अटोमोटिभ इनोभेसनमा विश्वकैअग्रणी सोकोन ईसी थर्टी सि क्स भ्यान अब नेपालमा

काठमाडौं । सोकोन ईसी ३६ यात्रु भ्यानको नेपाली बजारमा सार्वजनिक भएको छ ।मंगलवार काठमाडौंमा आयोजित एक कार्यक्रममा एमएडब्लु कमर्सियल भेहिकलका प्रमुख कार्यकारी अधिकृत तुषार गुप्ता र महानायक राजेश हमालले संयुक्तरूपमा सोकोन ईसी ३६ का पहिलो ४१ जना खरीदकर्तालाई गाडीको चाबी हस्तान्तरण गरे । भ्यानको मूल्य रू। ४५ लाख ५० हजार छ ।ईसी ३६–१ ९११ सिटे० ईभी यात्रु भ्यान हो, जसले ३०० किलोमिटरको रेन्ज प्रदान गर्दछ । यसमा ६० किलोवाटको इलेक्ट्रिक मोटरले २०० एनएम टर्क उत्पन्न गर्छ । यसमा जडान गरिएको ४२ केडब्लूएचसी एटीएल ब्याट्री छ ।

भ्यानमा प्रयोग गर्न अति सजिलो टचस्क्रिन मल्टिमिडिया इन्फोटेनमेन्ट सिस्टम पनि रहेको छ । एमएडब्ल्युु ग्रुप अफ कम्पनीजका अध्यक्ष विष्णुकुमार अगरवालले गुणस्तरीय अटोमोबाइल मात्र नभई सर्भिस र स्पेयर पार्ट्सलाई पनि प्राथमिकता दिएको र ग्राहकहरूको आवश्यकतालाई प्राथमिकता दिँदै उनीहरुको भरोसा जित्ने कुरामा विश्वस्त भएको बताए । उनले सोकोनसँग साझेदारी गरी नेपाली बजारमा ईसी थर्टी सिक्स लन्च गर्न पाउँदा गर्व लागेको बताउदै यो सफल हुने र ग्राहकहरुको आवश्यकताहरुलाई यसले पूरा गर्ने बताए ।

एमएडब्ल्यु वृद्धिका प्रबन्ध निर्देशक विवेक सिकरियाले सोकोन ईसी थर्टी सिक्सका ४१ भ्यानहरू प्रस्तुत भएको सो ऐतिहासिक क्षणको साक्षी बन्न पाउँदा हर्षित भएको बतादै एमएडब्ल्यु वृद्धि उच्चस्तरीय सेवा, गुणस्तरीय स्पेयर पार्ट्स र ग्राहकको सन्तुष्टिलाई केन्द्रमा राख्ने आफ्नो प्राथमिकतामा सधैं अटल भएको बताए ।