एनआइसी एसिया क्यापिटलको खुद नाफा १२ करोड १० लाख

काठमाडौं । एनआइसी एसिया क्यापिटलले गत आर्थिक वर्ष ०८०/८१ मा १२ करोड १० लाख खुद नाफा आर्जन गरेको छ । कम्पनीले देशको अर्थतन्त्र सुस्त भइरहेको समयमा पनि आफ्नो समग्र व्यवसायमा उत्साहजनक वृद्धि गर्न सफल भएको जनाएको छ । समीक्षा अवधिको नाफा अघिल्लो आवको तुलनामा १६.१२ प्रतिशतले बढी हो । कम्पनीको चुक्ता पुँजी २० करोड रुपैयाँ छ भने प्रतिसेयर आम्दानी ६०.५० रुपैयाँ कायम छ ।

कम्पनीले गत आवको असार मसान्तसम्म एनआइसी एसिया बैंक म्युचुअल फन्डअन्तर्गत पाँचवटा बन्दमुखी र एउटा खुलामुखी योजना गरी जम्मा ६ वटा योजना सञ्चालन गरिरहेको छ । सञ्चालनमा आएको पहिलो वर्षदेखि नै उत्साहजनक लाभांश वितरणसमेत गरेको जनाएको छ । साथै, कम्पनीले संस्थागत परामर्श सेवाअन्तर्गत ‘आइडिया टु आइपिओ’ सेवासमेत सञ्चालन गरिरहेको छ ।