यातायात कार्यालयका समस्या तत्काल समाधान गर्न नेपाल अटोमोटिभ व्यावसायी एसोसिएसनको माग

काठमाडौँ । नेपाल अटोमोटिभ व्यावसायी एसोसिएसनले यातायात कार्यालय एकान्तकुनामा देखिएका समस्या समाधानका लागि आग्रह गरेको छ ।

सोमबार एसोसिएसनका कार्यवाहक अध्यक्ष कुमार चिमोरिया, महासचिव प्रकाश बस्नेत, सचिव नेत्र कटुवाललगायतको टोलीले कार्यालय प्रमुखसँग भेटगरी हाल देखिएका समस्या तत्काल समाधान गर्न आग्रह गरेको हो ।छलफलका क्रममा कार्यालय प्रमुखले चाँडो भन्दा चाँडो हाल देखिएका सर्भर नचल्ने, पाकिङ्ग सम्बन्धी, सवारी जाँचपास सम्बन्धी, शौचालय सम्बन्धी समस्याहरुलाई समाधान गर्ने विश्वास दिलाएका थिए ।

त्यस्तै उनले सम्पुर्ण अटोमोटिभ व्यावसायीहरुको समस्या बुझ्न तथा समाधान गर्न आफू सकारात्मक रहेको बताएका थिए । यातायात कार्यालयमा सर्भर नचल्दा तीन दिनदेखि सबै काठ ठप्प भएको थियो ।