मेष ( चु, चे, चो, ला, लि, लु, ले, लो, अ )
साताको प्रारम्भमा प्रतिस्पर्धामा सफलता मिल्नेछ । नयाँ कार्यको प्रारम्भ गर्न सकिएला । साताको मध्यमा दाम्पत्य जीवन सुमधुर रहनेछ । युवा वर्गहरूलाई करियरलाई लिएर चिन्ता रहनेछ । साताको मध्यमा स्वास्थ्यलाई लिएर चिन्ता रहनेछ । कार्य क्षेत्रमा झुटो आरोप लाग्न सक्ला । नोकरी वा पेशामा संघर्ष धेरै गर्नुपर्ला ।

वृष ( इ, उ, ए, ओ, वा, वि, वु, वे, वो )
साताको प्रारम्भमा युवा वर्गहरूलाई पठन पाठनमा मन लाग्नेछ । प्रेम सम्बन्ध सुमधुर रहनेछ । साताको मध्यमा वित्तीय वा सहकारी संस्थाबाट लाभ मिल्ला । कार्य क्षेत्रमा अरुको विश्वासमा कार्य नछोड्नुहोस् । साताको अन्तिममा आय स्रोतका नयाँ अवसरहरू प्राप्त हुनेछन् । सौन्दर्यगत सामानमा धन खर्चका योग छन् ।

मिथुन ( का, कि, कु, घ, ङ, छ, के, को, हा )
साताको प्रारम्भमा पारिवारिक समस्या सुल्झाउनमा समय बित्नेछ । व्यापार व्यवसायमा आफन्तहरूबाट सोचेजस्तो सहयोग नमिल्ला साताको मध्यमा सन्तानको स्वास्थ्य र प्रगतिलाई लिएर चिन्ता रहनैछ । कार्य क्षेत्रमा मेहनतले राम्रो प्रतिफल दिलाउनेछ । साताको अन्तिममा सवारी साधन चलाउँदा सावधान रहनुहोला । विद्यार्थी वर्गहरूको पठनपाठनमा मन लाग्नेछ ।

कर्कट ( हि, हु, हे, हो, डा, डि, डु, डे, डो )
साताको प्रारम्भमा धैर्य र पराक्रमले अप्ठ्यारो कार्य सजिलै सम्पादन गर्न सकिनेछ । महत्वकांक्षी कार्य प्रारम्भ गर्ने समय रहेको छ । साताको मध्यमा रोग प्रतिरोधात्मक क्षमता बढाउनको लागि पौष्टिक भोजनको सेवन गर्नुहोस् । पुरानो कुरालाई लिएर आफन्तहरुमा वादविवादको सम्भावना देखिएको छ । साताको अन्तिममा व्यापार व्यवसायमा पुरा गर्न नसकिने वाचा नगरौँ । परिजनहरूको साथ मिल्नाले नयाँ जोश जाग्नेछ ।

सिंह ( मा, मि, मु, मे, मो, टा, टि, टु, टे )
साताको प्रारम्भमा पैतृक सम्पत्तिलाई लिएर वादविवाद बढ्न सक्छ । स्वास्थ्यलाइ लिएर सचेत रहनुहोस् । कार्य क्षेत्रमा परिस्थितिसँग सम्झौता गर्नुहोस् । साताको मध्यमा आँटेको कार्य समयमा सम्पादन हुनाले मन प्रसन्न रहनेछ । कार्य क्षेत्रमा शुभचिन्तकहरूको सहयोग मिल्नेछ । साताको अन्तिममा बुद्धिको उपयोगले प्रतिष्ठा जोगाउन सफल भइनेछ । सकारात्मक सोचले अगाडि बढ्नुहोस् सफलता मिल्नेछ।

कन्या ( टो, पा, पि, पु, ष, ण, ठ, पे, पो )
साताको प्रारम्भमा प्रतिष्ठामा वृद्धि हुनेछ । कार्य क्षेत्रमा नयाँ कार्य हात लाग्नेछ । साताको मध्यमा व्यापार व्यवसायमा बोलीले कार्य सिद्ध गर्न सकिनेछ । कानुनी मामिलाहरूमा पक्ष मजबुत होला । उद्योग व्यापारमा शत्रुहरू सक्रिय रहनेछन् । साताको अन्तिममा परिवार मध्ये आफूभन्दा सानाहरूको साथ र सहयोग मिल्नेछ । साहसिक कार्य गर्ने समय रहेको छ।

तुला ( रा, रि, रु, रे, रो, ता, ति, तु, ते )
साताको प्रारम्भमा वैदेशिक रोजगारबाट सफलता मिल्नेछ । विदेश ताक्नेहरू विद्यार्थीहरूलाई नयाँ अवसर मिल्नेछ । साताको मध्यमा कार्य क्षेत्रमा लगनशीलताको उचित इनाम मिल्नेछ । शेयर बजारबाट मनग्य लाभ मिल्ला । साताको अन्तिममा संगीत र कलाको क्षेत्रमा रुचि बढ्नेछ । साइनो गाँस्नेहरूबाट अलि सजग रहनुहोला ।

वृश्चिक ( तो, ना, नि, नु, ने, नो, या, यि, यु )
साताको प्रारम्भमा आम्दानीका नयाँ स्रोतहरू बढ्नेछन् । कार्य क्षेत्रमा अधिकारी वर्गहरूबाट प्रशंसा पाइएला । साताको मध्यमा गृहणीहरूले गृह सम्बन्धी कार्य गर्दा हातहतियारको उपयोग सावधानीपूर्वक गर्नुहोस् । अप्रिय समाचारले मन खिन्न रहनेछ । साताको अन्तिममा पायक स्थानमा भ्रमणका योग छन् । कार्य क्षेत्रमा आफ्नो प्रतिभाले अरुलाई आकर्षित गर्न सकिनेछ ।

धनु ( ये, यो, भा, भि, भु, धा, फा, ढा, भे )
साताको प्रारम्भमा व्यापार व्यवसायमा पिताको साथ र सहयोग मिल्नेछ । नयाँ नोकरीमा सफलता मिल्नेछ । साताको मध्यमा सञ्चित धनमा वृद्धि हुनेछ भने आयआर्जनका नयाँ स्रोतहरू बढ्नेछन् । स्वास्थ्यले साथ दिनेछ । साताको अन्तिममा विद्यार्थी वर्गहरूलाई शिक्षाको क्षेत्रमा नयाँ कुरा सिक्ने अवसर मिल्नेछ । जोखिमपूर्ण कार्य गर्दा सजग भएर गर्नुहोला ।

मकर ( भो,जा,जि,जु,जे,जो,ख,खि,खु,खे,खो,गा,गि )
साताको प्रारम्भमा धर्मकर्ममा रुचि बढ्नेछ । प्रतिस्पर्धीहरूलाई दमन गर्न सकिनेछ । नयाँ उद्योग व्यापार प्रारम्भ गर्ने समय रहेको छ । साताको मध्यमा व्यापार व्यवसायमा लाभ रहनेछ । कार्य क्षेत्रमा योग्यताका उचित मूल्यांकन हुनेछ । साताको अन्तिममा शैक्षिक क्षेत्र वा लेखन कलामा सफलता मिल्नेछ । आफन्तहरूको साथमा रमाइलो समय बित्नेछ ।

कुम्भ ( गु, गे, गो, सा, सि, सु, से, सो, दा )
साताको प्रारम्भमा असंयम व्यवहारले समस्या निम्ताउन सक्ला । विद्यार्थी वर्गहरू पठनपाठनमा आलस्य गर्नदेखि बच्नुहोला । साताको मध्यमा युवा वर्गलाई उच्च शिक्षामा नयाँ अवसर मिल्नेछ । कृषि वा पशुपालनबाट लाभ आर्जन गर्न सकिएला । साताको अन्तिममा विशिष्ट व्यक्तिहरूसँगको भेटघाटले रोकिएको कार्य प्रारम्भ हुनेछ । साताको अन्तिममा स्वास्थ्यलाई लिएर चिन्ता रहनेछ ।

मीन ( दि, दु, थ, झ, ञ, दे, दो, चा, चि )
साताको प्रारम्भमा साझेदारी व्यापारबाट लाभ मिल्नेछ । जीवनसाथीको स्वास्थ्यलाई लिएर चिन्ता रहनेछ । साताको मध्यमा अरुको लागि बुद्धि र श्रम खर्च गर्नुपर्ला । कार्य क्षेत्रमा समस्यालाई टाल्नुभन्दा त्यसलाई सम्पन्न गर्नमा विश्वास राख्नुहोस् । साताको अन्तिममा योजनाहरू सार्वजनिक नगर्नुहोला । धन सञ्चय भएपनि आयस्रोत सामान्य रहनेछ । व्यापार व्यवसायमा अनुभवको फाइदा लिन सकिएला ।