मेष (चु, चे, चो, ला, लि, लु, ले, लो, अ )
साताको प्रारम्भमा पारिवारिक सद्भावमा कमी आउनेछ। कार्यक्षेत्रमा सहयोगीहरू जुट्नाले रोकिएको काम बन्नेछ। साताको मध्यमा सन्तानको स्वास्थ्यलाई लिएर चिन्ता रहनेछ। नसकिने वाचा कसैसँग नगरौं। साताको अन्तिममा सवारी साधन चलाउँदा सावधान रहनुहोला। प्रतियोगी परीक्षामा सफलता मिल्नेछ। यो साताको शुभ रंग हरियो र निलो हो भने शुभ अंक २ र ६ रहेको छ।
वृष ( इ, उ, ए, ओ, वा, वि, वु, वे, वो )
साताको प्रारम्भमा सन्तानको प्रगति देखेर मन उत्साहित रहनेछ। कार्यक्षेत्रमा शुभचिन्तकहरूको सहयोग मिल्नेछ। साताको मध्यमा विद्यार्थीहरूलाई पठनपाठनमा मन लाग्नेछ। कार्यक्षेत्रमा श्रमको मूल्यांकन हुनेछ। खानपानमा सजगता अपनाउनुहोस्। साताको अन्त्यमा दाम्पत्य जीवन सुमधुर रहनेछ। व्यापार व्यवसायमा लाभ रहनेछ। यो साताको शुभ रंग सेतो र पहेलो हो भने शुभ अंक २ र ९ रहेको छ।
मिथुन ( का, कि, कु, घ, ङ, छ, के, को, हा )
साताको प्रारम्भमा बोलीको प्रभावले रोकिएका कामहरू बन्नेछन्। संगीतमा र कलाको क्षेत्रमा रुचि बढ्नेछ। साताको मध्यमा साहसिक कार्य गरेर आफूलाई चिनाउन सक्नुहुनेछ। प्रतिष्ठित कार्य गर्ने अवसर रहेको छ। साताको अन्तिममा व्यापार व्यवसायमा गोपनीयताको ध्यान राख्नुहोला। माताको स्वास्थ्यलाई लिएर चिन्ता रहनेछ। यो साताको शुभ रंग निलो र सेतो हो भने शुभ अंक ४ र ८ रहेको छ।
कर्कट ( हि, हु, हे, हो, डा, डि, डु, डे, डो )
साताको प्रारम्भमा मानसम्मानमा वृद्धि हुनेछ। व्यापारिक यात्रा लाभदायी रहनेछ। धेरै बोल्ने बानीले समस्या निम्त्याउँन सक्ला। कार्यक्षेत्रमा नयाँ कार्यको थालनी हुनेछ। साताको मध्यमा विद्यार्थीहरूको पठनपाठनमा मन लाग्नेछ। साना बच्चाहरूको स्वास्थ्यप्रति सचेत रहनुहोस्। साताको अन्तिममा धेर्य र पराक्रममा वृद्धि हुनेछ। आँटेको कार्यसम्पादन गर्न सकिएला। यो साताको शुभ रंग सेतो र हरियो हो भने शुभ अंक ४ र ५ रहेको छ।
सिंह ( मा, मि, मु, मे, मो, टा, टि, टु, टे )
साताको प्रारम्भमा वैदेशिक रोजगारबाट लाभ मिल्नेछ। स्वास्थ्यलाई लिएर सावधान रहनुहोस्। साताको मध्यमा प्रतिष्ठित कार्य गर्ने अवसर मिल्नेछ। आस मरेको काम बन्नाले नयाँ कार्यतर्फ अग्रसर भइनेछ। साताको अन्तिममा धनको अभावले चिताएको कार्यसम्पादन गर्नमा बाधा आउन सक्छ। सानो प्रयासले जीवनशैलीमा परिवर्तन ल्याउन सकिनेछ। यो साताको शुभ रंग रातो र बैजनी हो भने शुभ अंक ५ र ८ रहेको छ।
कन्या ( टो, पा, पि, पु, ष, ण, ठ, पे, पो )
साताको प्रारम्भमा अरूलाई प्रभावित पारेर लोकप्रियता हासिल गर्न सकिनेछ। शेयर बजारबाट लाभआर्जन गर्न सकिएला। साताको मध्यमा सवारी साधनमा धनखर्चको योग छ। अरुको लागि श्रम वा बुद्धि खर्च गर्नुपर्ला। साताको अन्त्यमा राजनीतिक क्षेत्रमा प्रभाव बढ्नेछ। साहसिक कार्य गर्ने समय रहेको छ। यो साताको शुभ रंग हरियो र निलो हो भने शुभ अंक ६ र ७ रहेको छ।
तुला ( रा, रि, रु, रे, रो, ता, ति, तु, ते )
साताको प्रारम्भमा कार्यक्षेत्रमा अधिकारीहरूबाट प्रशंसा पाइएला। व्यापार व्यवसायमा आफन्तहरूको साथ र सहयोग मिल्नेछ। साताको मध्यमा पारिवारिक समस्याले धन खर्चका योग छन्। विद्यार्थीहरूलाई गुरुजनहरूको सहयोग मिल्नेछ। साताको अन्त्यमा रोग प्रतिरोधात्मक क्षमता बढाउनको लागि सादा भोजनको सेवन गर्नुहोस्। आयआर्जनको लागि संघर्ष गर्नुपर्ला। यो साताको शुभ रंग गुलाबी र सुन्तला हो भने शुभ अंक २ र ७ रहेको छ।
वृश्चिक ( तो, ना, नि, नु, ने, नो, या, यि, यु )
साताको प्रारम्भमा धर्मकर्ममा मन लाग्नेछ। उच्च शिक्षाको लागि नयाँ अवसरहरू मिल्नेछ। साताको मध्यमा पिताको स्वास्थ्यलाई लिएर चिन्ता रहनेछ। कार्यक्षेत्रमा कार्यलाइ टाल्नुभन्दा सम्पादन गर्नमा विश्वास राखौं। साताको अन्त्यमा धनलाभका विभिन्न अवसरहरू प्राप्त हुनेछन्। साहित्य वा कलाको क्षेत्रमा विशेष सफलता मिल्नेछ। यो साताको शुभ रंग रातो र सिन्दुरी हो भने शुभ अंक ३ र ८ रहेको छ।
धनु ( ये, यो, भा, भि, भु, धा, फा, ढा, भे )
साताको प्रारम्भमा बोलीको विपरीत अर्थ लाग्नेछ। राजनीतिक वा प्रशासनिक क्षेत्रको कार्यमा बाधा आउनेछ। साताको मध्यमा मित्रहरूबाट रोकिएको कार्य बन्नेछ। प्रियजनहरूसँग भेटघाट वा यात्राका योग बन्नेछन्। साताको अन्तिममा व्यापार व्यवसायमा गरिएको कार्यको प्रशंसा हुनेछ। आर्थिक कारोबार राम्रो रहनेछ। यो साताको शुभ रंग सेतो र निलो हो भने शुभ अंक ४ र ६ रहेको छ।
मकर ( भो,जा,जि,जु,जे,जो,ख,खि,खु,खे,खो,गा,गि )
साताको प्रारम्भमा साझेदारी व्यापारबाट लाभ मिल्नेछ। कानुनी मामलाहरूमा पक्ष मजबुत हुनेछ। साताको मध्यमा नयाँ कार्यको जग बसाउनको लागि उपयुक्त समयको प्रतिक्षा गर्नुहोस्। धार्मिक कार्यक्षेत्रमा कार्य सम्पादन गर्न गाह्रो हुनेछ। साताको अन्तिममा मनोबलमा वृद्धि हुनेछ। कार्य समयमा सम्पादन गर्न सकिनेछ। यो साताको शुभ रंग खैरो र निलो हो भने शुभ अंक ३ र ४ रहेको छ।
कुम्भ ( गु, गे, गो, सा, सि, सु, से, सो, दा )
साताको प्रारम्भमा पहिला गरिएको कार्यबाट राम्रो आम्दानी मिल्नेछ। कृषि वा पशुपालनबाट मनग्य धन लाभ हुनेछ। साताको मध्यमा भौतिक संसाधन जुटाउन सकिएला। दाम्पत्य जीवन सुमधुर रहनेछ। साताको अन्तिममा व्यापार व्यवसायमा पारदर्शिता राख्नुहोस्। अवसरवादीहरूले कमजोरीको फाइदा उठाउन सक्लान्। यो साताको शुभ रंग निलो र सुन्तला हो भने शुभ अंक ६ र ९ रहेको छ।
मीन ( दि, दु, थ, झ, ञ, दे, दो, चा, चि )
साताको प्रारम्भमा भावनात्मक सम्बन्ध मजबुत हुनेछ। कार्यक्षेत्रमा दोहोराएर कार्य गर्दा लाभ हुनेछ। साताको मध्यमा सहकारी वा वित्तीय क्षेत्रबाट लाभ मिल्नेछ। सहनशीलताले लक्ष्यमा पुग्न गाह्रो नहोला। साताको अन्त्यमा आँनलाइन लेनदेन होस् पुर्याएर गर्नुहोस्। साहस र पराक्रमले शत्रुहरू पराजित हुनेछन्। यो सातको शुभ रंग पहेलो र सेतो हो भने शुभ अंक ३ र ७ रहेको छ।
– ज्यो. प.धर्मेन्द्र कृष्ण पौडेल
