२०८२ साल जेठ ०३ गतेदेखि ०९ गतेसम्म कस्तो रहला त तपाईको भाग्य, हेर्नुहोस् राशिफल

मेष (चु, चे, चो, ला, लि, लु, ले, लो, अ)
साताको प्रारम्भमा व्यापार व्यवसायमा लाभ रहनेछ । पिताद्वारा कार्य क्षेत्रमा सहयोग मिल्नेछ । साताको मध्यमा आफ्नो लक्ष्यमा ध्यान केन्द्रित गर्नुहोस् । सकारात्मक सोचको साथ अगाडि बढ्नुहोस्, सफलता मिल्नेछ । साताको अन्तिममा आफ्नो दिनचर्यामा नियमित व्यायाम वा सन्तुलित आहार सेवन गर्नुहोस् । कार्य क्षेत्रलाई लिएर सानोतिनो यात्रा लाभदायी रहनेछ ।

वृष ( इ, उ, ए, ओ, वा, वि, वु, वे, वो )
साताको प्रारम्भमा कार्यक्षेत्रमा जिम्मेवारी बढ्नेछ । व्यवसायमा आफन्तहरूको सहयोग मिल्नेछ । घरमा शुभ र मांगलिक कार्यमा खट्नुपर्ला । साताको मध्यमा संगीत र कलाको क्षेत्रमा सफलता पाइएला । लगनशीलताले विरोधीहरू परास्त हुनेछन् । साताको अन्तिममा शेयर बजारबाट लाभ मिल्नेछ । घरेलु सुख सुविधामा धन खर्चका योग छन् । व्यवहार कुशलताले आफन्तहरूलाई नजिक ल्याउन सक्नुहुनेछ ।

मिथुन (का, कि, कु, घ, ङ, छ, के, को, हा)
यो समय नयाँ सम्भावना र नँया अनुभवको रहेको छ । नयाँ कार्य प्रारम्भ हुनेछ । साताको मध्यमा कार्य क्षेत्रमा नयाँ अवसरहरू प्राप्त हुनेछन् । कार्य क्षेत्रमा हतारमा लिएको निर्णयले समस्यालाई बढाउन सक्ला । साताको अन्तिममा नोकरी वा पेशामा पिताको सहयोग मिल्नेछ । जीवन साथीको कुरालाई सम्मान दिएर दाम्पत्य जीवन सुमधुर बनाउन सक्नुहुनेछ ।

कर्कट (हि, हु, हे, हो, डा, डि, डु, डे, डो)
साताको प्रारम्भमा मन आध्यात्मतर्फ लाग्नेछ । आफ्नो बोलीले अरुलाई प्रभावित गर्न सक्नुहुनेछ । साताको मध्यमा मनमा सोचेका कार्य पूरा हुनेछन् । आत्मविश्वासमा वृद्धि हुनेछ । स्वास्थ्यमा सुधार आउनेछ । साताको अन्तिममा धर्म कर्ममा रुचि बढ्नेछ । सोधेभन्दा धेरै सल्लाह नदिनुहोला । विद्यार्थीहरूलाई शिक्षामा शिक्षकहरूको सहयोग मिल्नेछ ।

सिंह (मा, मि, मु, मे, मो, टा, टि, टु, टे)
साताको प्रारम्भमा बोल्दा समयको गम्भीरतालाई विचार गरेर शब्द चयन गर्नुहोस । साताको मध्यमा पुराना कमी कमजोरीलाई सुधार्ने समय रहेको छ । कार्य क्षेत्रमा योग्यताको उचित मूल्यांकन हुनेछ । साताको अन्तिममा रोग प्रतिरोधात्मक क्षमता बढाउनको लागि पौष्टिक भोजनको सेवन गर्नुहोस् । नयाँ कार्य प्रारम्भ गर्नको लागि उपयुक्त समयको प्रतिक्षा गर्नुहोस् ।

कन्या (टो, पा, पि, पु, ष, ण, ठ, पे, पो)
साताको प्रारम्भमा कार्य क्षेत्रमा सोचेका कार्य समयभन्दा अगाडि पूरा हुनेछन् । कानुनी मामलामा विजय प्राप्त हुनेछ । साताको मध्यमा व्यापार व्यवसायमा लाभ हुनेछ । कार्य क्षेत्रमा नयाँ उपलब्धिले थप उत्साह जगाउनेछ । साताको अन्तिममा विद्यार्थीहरूको तार्किक क्षमतामा वृद्धि हुनेछ । गृहणीहरूको गृह कार्यको साथै सामाजिक परिवेशमा कद बढ्नेछ ।

तुला (रा, रि, रु, रे, रो, ता, ति, तु, ते)
साताको आरम्भमा स्वास्थ्यलाई लिएर चिन्ता रहनेछ । परिवारसंग मनमुटाव रहनेछ । वैदेशिक काममा समय अनुकूल नहोला । साताको मध्यमा व्यापार व्यवसायमा लाभ रहनेछ । धार्मिक यात्रा गर्नुपर्ला । साताको अन्तिममा पिताको स्वास्थ्यलाई लिएर चिन्ता रहनेछ । नोकरी वा पेशामा अधिकारीहरूबाट सम्मान पाइनेछ । विद्यार्थीहरूलाई अध्ययन अध्यापनको लागि समय सामान्य रहनेछ ।

वृश्चिक (तो, ना, नि, नु, ने, नो, या, यि, यु)
साताको प्रारम्भमा व्यापार व्यवसायमा नयाँ अवसरहरू हात लागि पर्नेछन् । विशिष्ट व्यक्तिहरूसँग निकटता बढ्नेछ । साताको मध्यमा कार्यक्षेत्रमा श्रमको अनुरूप सफलता मिल्नेछ । नोकरी वा पेशामा नयाँ जिम्मेवारी मिल्नेछ । शरीर ऊर्जावान रहनेछ । साताको अन्तिममा माताको स्वास्थ्यलाई लिएर चिन्ता रहनेछ । आर्थिक पक्ष सामान्य रहनेछ । अध्ययनमा प्रगति हुनेछ।

धनु (ये, यो, भा, भि, भु, धा, फा, ढा, भे)
साताको प्रारम्भमा धन लाभका नयाँ अवसरहरू जुट्नेछन् । सुख सुविधामा वृद्धि हुनेछ । गृहणीहरूको घरायसी कामकाजमा समय बित्नेछ । साताको मध्यमा विगतका गल्तीहरूबाट पाठ सिकेर अगाडि बढ्नुहोस् । आफन्तहरूबाट टाढा हुनाले मन खिन्न रहनेछ । साताको अन्तिमा जग्गा जमिनबाट लाभ मिल्नेछ । सदैव भगवान विष्णुलाई तुलसी दल चढाएर दिनको प्रारम्भ गर्नुहोस् ।

मकर ( भो,जा,जि,जु,जे,जो,ख,खि,खु,खे,खो,गा,गि )
साताको प्रारम्भमा धैर्य वा पराक्रम वृद्धि हुनुका साथै नयाँ कार्य कार्यान्वित गर्नको लागि उचित समय रहेको छ । कार्य क्षेत्रमा आफूभन्दा ठूलाको सहयोग मिल्ला । साताको मध्यमा विद्यार्थीहरूलाई शिक्षामा सफलता मिल्नेछ । पारिवारिक सद्भावमा कमी देखिन सक्छ, सावधान रहनुहोस् । साताको अन्तिममा नोकरी वा पेशामा गुमाएको स्थान स्थापित गर्नको लागि संघर्ष गर्नुपर्ला ।

कुम्भ (गु, गे, गो, सा, सि, सु, से, सो, दा)
साताको प्रारम्भमा शिक्षाको क्षेत्रमा विशेष सफलता मिल्नेछ । नोकरीमा प्रतिष्ठा जोगाउन गोपनियताको ध्यान राख्नुहोला । साताको मध्यमा राजकीय व प्रशासनिक क्षेत्रबाट लाभ प्राप्त हुनेछ । स्वास्थ्यमा ध्यान राख्नुहोस् । साताको अन्तिममा व्यापार व्यवसायलाई लिएर गरिएको यात्रा लाभदायक रहनेछ । चुनौतीहरूलाई पन्छ्याउने समय रहेको छ ।

मीन (दि, दु, थ, झ, ञ, दे, दो, चा, चि)
साताको प्रारम्भमा विद्यार्थीहरूलाई वैदेशिक शिक्षाको नयाँ अवसर मिल्नेछ । आकस्मिक धनहानिका योग छन् । साताको मध्यमा पहिला गरिएका कार्यबाट मनग्य लाभ प्राप्त हुनेछ । विगतका कमजोरीले मनमा पछुतो पार्नेछ । साताको अन्तिममा खानपानलाई लिएर स्वास्थ्यमा सजग रहनुहोला । विवादास्पद मामलाहरू सुल्झाउने समय रहेको छ ।

– ज्यो. प.धर्मेन्द्र कृष्ण पौडेल