काठमाडौं । मुक्तिनाथ विकास बैंकले आर्थिक वर्ष २०८१/८२ को वित्तीय विवरण सार्वजनिक गरेको छ। विवरण अनुसार, बैंकको नाफा ३०.७० प्रतिशतले बढेर १ अर्ब ५३ करोड ७४ लाख रुपैयाँ पुगेको छ। अघिल्लो वर्ष सो नाफा १ अर्ब १७ करोड रुपैयाँ थियो।

असार मसान्तसम्म बैंकको खुद ब्याज आम्दानी ७.५० प्रतिशत वृद्धि भई ४ अर्ब ५५ करोड ७२ लाख रुपैयाँ पुगेको छ। यस अवधिमा सञ्चालन मुनाफा १ अर्ब ७० करोड ८४ लाख रुपैयाँबाट बढेर २ अर्ब २३ करोड रुपैयाँ भएको छ।

खराब कर्जा दर भने २.३७ प्रतिशतबाट सामान्य बढेर २.७५ प्रतिशत पुगेको छ। वितरणयोग्य नाफा १ अर्ब ४६ करोड २५ लाख रुपैयाँ रहेको बैंकले लगानीकर्तालाई करिब २०.७५ प्रतिशत लाभांश दिन सक्ने अनुमान गरिएको छ।

वर्तमानमा बैंकको चुक्तापूँजी ७ अर्ब ४ करोड ६९ लाख रुपैयाँ र जगेडा कोष २० करोड ५ लाख रुपैयाँ रहेको छ। प्रतिशेयर आम्दानी २१.८२ रुपैयाँ र प्रतिशेयर नेटवर्थ १६९.९५ रुपैयाँ रहेको छ।