काठमाडौं । आज शेयर बजार दोहोरो अंकले घटेको छ । आज नेप्से परिसूचक १७.७६ अंकले घटेर २७४४ को बिन्दुमा कायम भएको छ ।

शेयर बजारमा आज विभिन्न सेक्टरका ३२३ वटा कम्पनीहरुको शेयर खरिद–बिक्री भएर चार अर्ब ४३ करोड रुपैयाँको कारोबार भएको छ । जसमा आज पनि नेपाल पुनर्बीमा कम्पनीको २२ करोड ७० लाख रुपैयाँले सर्वाधिक कारोबार भएको छ ।

त्यस्तै, हिमालयन रि इन्स्योरेन्सको २० करोड ११ लाख रुपैयाँ, युनियन हाइड्रोपावरको १४ करोड ६९ लाख रुपैयाँ, दोर्दी खोदा जल विद्युतको १४ करोड ४१ लाख रुपैयाँको शेयर कारोबार भएको छ ।