काठमाडौँ महानगरपालिकाले माग्यो करार सेवामा कर्मचारी

काठमाडौं । काठमाडौँ महानगरपालिकाले करार सेवामा कर्मचारी पदपूर्तिका लागि आवेदन खुला गरेको छ। बागमती सरकारद्वारा जारी स्थानीय सेवा (गठन तथा सञ्चालन) ऐन, २०७९ तथा काठमाडौँ महानगरपालिका सेवा करारमा कर्मचारी पदपूर्ति गर्ने सम्बन्धी कार्यविधि, २०७९ अनुसार योग्य नागरिकहरूलाई आवेदन दिन आह्वान गरिएको छ। काठमाडौं महानगरपालिकाले नगर प्रहरी जवान, हलुका सवारी चालक र कार्यालय सहयोगी गरी कुल ४४ जना कर्मचारीको माग गरेको छ। योग्यता पुगेका इच्छुक नागरिकहरूले सूचनामा उल्लेख अनुसार १५ दिनभित्र आवेदन पेश गर्न सक्नेछन्।