बारा । पर्सा औद्योगिक करिडोरमा सञ्चालित जगदम्बा स्टिल प्रालिले लोडसेडिङ अवधिमा डेडिकेटेड तथा ट्रंक लाइनबाट उपभोग गरेको विद्युतको प्रिमियम महसुलको बक्यौता रकम तिरेको छ।
उद्योगले पहिलो किस्ता बुझाएपछि ४ कात्तिकमा विच्छेद गरिएको जगदम्बाको विद्युत लाइन बुधबार साँझ पुनः जडान गरिएको छ । जगदम्बा स्टिल प्रालि पर्सा औद्योगिक क्षेत्रको सबैभन्दा बढी बक्यौता रहेको उद्योग हो ।
उद्योगमाथि हाल १ अर्ब ६० करोड १८ लाख रुपैयाँ प्रिमियम बक्यौता रहेको छ । जगदम्बाले २०७२ माघदेखि २०७५ वैशाखसम्मको डेडिकेटेड र ट्रंक लाइन प्रयोग बापतको प्रिमियम महसुल पहिलो किस्ता बुझाएको हो ।
बक्यौतालाई २८ किस्तामा विभाजन गरिएको छ भने पहिलो किस्ताको रूपमा ५ करोड ७२ लाख ९ हजार रुपैयाँ बुझाएको छ ।
