पहिलो तीन महिनामा ५ खर्ब ५३ अर्बभन्दा बढी रेमिट्यान्स भित्रियो

काठमाडौं । चालू आर्थिक वर्ष २०८२/८३ को पहिलो तीन महिनामा नेपालमा साढे पाँच खर्बभन्दा बढी रेमिट्यान्स भित्रिएको छ। नेपाल राष्ट्र बैंकले असोज महिनासम्मको तथ्याङ्कका आधारमा सार्वजनिक गरेको प्रतिवेदनअनुसार, विप्रेषण आप्रवाह ३५.४ प्रतिशतले वृद्धि भई कुल पाँच खर्ब ५३ अर्ब ३१ करोड पुगेको छ।

राष्ट्र बैंकका अनुसार मात्र असोज महिनामा मात्रै दुई खर्ब एक अर्ब २२ करोड रुपैयाँ रेमिट्यान्स भित्रिएको थियो। सो अवधिमा खुद द्वितीय आय (खुद ट्रान्सफर) पनि खर्ब १० अर्ब ६१ करोड पुगेको छ, जुन अघिल्लो वर्षको सोही अवधिको चार खर्ब ४३ अर्ब ७६ करोडको तुलनामा कम हो।

वैदेशिक रोजगारीका लागि पछिल्लो तीन महिनामा संस्थागत र व्यक्तिगत रूपमा अन्तिम श्रम स्वीकृति लिने नेपालीको संख्या एक लाख २३ हजार ४५९ र पुनःश्रम स्वीकृति लिनेको संख्या ७७ हजार २५७ रहेको राष्ट्र बैंकले जनाएको छ।

यसले नेपाली अर्थतन्त्रमा रेमिट्यान्सको महत्वपूर्ण योगदान र वैदेशिक रोजगारीको निरन्तरता देखाएको छ।