काठमाडौं । नेपाली बजारमा सुनको मूल्यमा भारी गिरावट देखिएको छ । सुन आज तोलामा तीन हजार ८०० रुपैयाँले ओरालो लागेको छ । नेपाल सुनचाँदी ब्यवसायी महासंघका अनुसार आज सुन प्रतितोला दुई लाख ३९ हजार ५०० रुपैयाँ कायम भएको छ । सोमबार छापावाल सुनको मूल्य प्रतितोला र दुई लाख ४३ हजार तीन सय रुपैयाँमा कारोबार भएको थियो ।

यता, चाँदीको मूल्य तोलामा ६५ रुपैयाँले घटेर प्रतितोला ३ हजार ९० रुपैयाँमा कारोबार भइरहेको छ । यसअघि सोमबार तीन हजार एक सय ५५ रुपैयाँमा कारोबार भएको थियो ।