रिज लाइन इनर्जीलाई आईपीओ निष्काशन अनुमति

काठमाडौं । नेपाल धितोपत्र बोर्डले रिज लाइन इनर्जी लिमिटेडलाई साधारण शेयर (आईपीओ) निष्काशनको अनुमति दिएको छ। अनुमति अनुसार कम्पनीले २६ करोड ७ लाख रुपैयाँ बराबरको २६ लाख ७ हजार कित्ता शेयर सर्वसाधारणका लागि जारी गर्न पाउनेछ।

आईपीओ निष्काशनको बिक्री प्रबन्धकका रूपमा प्रभु क्यापिटल लिमिटेड नियुक्त गरिएको छ।

रिज लाइन इनर्जीले गोरखा र लमजुङ जिल्लामा निर्माण गरेको ९.०५० मेगावाट क्षमताको सुपर चेपे खोला जलविद्युत आयोजना २०८० माघदेखि व्यावसायिक उत्पादनमा आइसकेको छ।