मौसममा परिवर्तनको संकेत,पहाड–हिमालमा बदली र हिमपातको सम्भावना

काठमाडौँ । नेपालको मौसम प्रणालिमा क्रमिक रुपमा परिवर्तन देखिन थालेसगै हाल देशमा पश्चिमतर्फबाट प्रवेश गरको वायू प्रणालिको आंशिक प्रभाव परिरहेको जल तथा मौसम विज्ञान विभागले जनाएको छ । यस कारण केहि क्षेत्रमा बदली र चिसो बढेको छ ।

सुदूरपञ्चिम प्रदेशका तराई क्षेत्रका केहि स्थानमा हुस्सु तथा कुहिरो देखिएको छ भने कोशी ,बागमती, गण्डकी र लुम्बिनी प्रदेशसँगै कर्णाली तथा सुदुरपञ्चिमका पहाडी र हिमाली क्षेत्रमा आंशिक बदलीको अवस्था रहेको छ । त्यस्तै, अन्य क्षेत्रमा भने मौसम सामान्यतया खुला रहेको विभागले जनाएको छ ।

दिउँसोको समयमा तराईका केहि भू–भागमा कुहिरो यथावत् रहन सक्ने अनुमान गरिएको छ । अन्य हिमाली क्षेत्रहरुमा आंशिक बदली देखिनेछ भने कणार्ली र सुदूरपञ्चिम प्रदेशका पहाडी तथा हिमाली क्षेत्रमा हल्का बदली रहने सम्भावना रहेको छ । बाकीँ क्षेत्रमा मौसम खुला नै रहने देखिन्छ ।

कर्णाली र सुदूरपञ्चिमका उच्च पहाडी तथा हिमाली क्षेत्रहरुमा सीमित स्थानमा हल्का हिमपातसगैँ आशिंक वर्षाको सम्भावना रहेको मौसम पुर्वानुमान महाशाखाले जनाएको छ ।