काठमाडौं । नेपाली बजारमा आईतबार सुनचाँदीको मूल्य बढेको छ। सुनको मूल्य आज तोलामा नौ हजार पाँच सय रूपैयाँ बढेको हो। नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख ५ सय रुपैयाँमा कारोबार भईरहेको छ।

शुक्रबार छापावाल सुन प्रतितोला २ लाख ९१ हजार रुपैयाँमा कायम भएको थियो । यस्तै आज चाँदीको मूल्य पनि बढेको छ । चाँदी प्रतितोला तीन सय रूपैयाँ बढेको हो। शुक्रबार तोलामा ४ हजार ७ सय १० रुपैयाँ कायम भएको चाँदीको मूल्य आईतबार बढेर ५ हजार १० रुपैयाँ कायम भएको महासंघले जनाएको छ ।