काठमाडौँ । सर्लाहीको बलरा नगरपालिका ४ मा रहेको एक मतदान केन्द्रमा विवाद उत्पन्न भएपछि मतदान प्रक्रिया रोकिएको छ ।
श्री प्राथमिक विद्यालयमा रहेको मतदान केन्द्रमा दलका प्रतिनिधिहरुबीच भनाभन र विवाद भएपछि मतदान अस्थायी रुपमा स्थगित गरिएको छ ।
घटनापछि प्रमुख जिल्ला अधिकारी र प्रहरी प्रमुखसहितको टोली स्थालमा पुगेर अवस्था सामान्य बनाउन प्रयास गरिरहेको जनाइएको छ । बलरा नगरपालिका राष्ट्रिय स्वतन्त्र पार्टीका उम्मेदवार अमरेशकुमार सिंहको क्षेत्र हो ।
