मतदान गर्न बढीमा तीन मिनेट, पैसट्ठी प्रतिशत मत खस्छ

काठमाडौं । कार्यवाहक प्रमुख निर्वाचन आयुक्त रामप्रसाद भण्डारीले प्रतिनिधि सभा सदस्यका लागि विहानदेखि जारी मतदानमा ६५ प्रतिशत भन्दा बढी मत खस्ने दाबी गरेका छन् ।

अहिले देशभर शान्तिपूर्ण वातावरणमा उत्साहपूर्वक मतदान जारी रहेको बताउदै उनले ७७ वटै जिल्लाका आममतदाताको उत्साहजनक सहभागिता रहेको र मतगणना सुरु भएको २४ घण्टाभित्र प्रत्यक्षतर्फको नतिजा सार्वजनिक गर्ने दाबी गरे । “बिहान ७ बजेदेखि नै व्यवस्थित र उत्साहजनक रुपमा मतदान सुरु भएको छ । मतपत्र पाएपछि एकदेखि तीन मिनेट भित्र मतदान भइरहेको छ ।”

उनले सबै सरोकारवाला मतदाता, राजनीतिक दल र उम्मेदवारलाई उत्साहजनक र शान्तिपूर्ण मतदानमा सहयोग गर्न आह्वान गर्दै मतदान सम्पन्न भए लगतै मतपेटिका सङ्कलनपछि मतगणना गरिने जनाए ।