काठमाडौँ । जि.ओ अटोमोबाइल्स प्रा.ली. नेपालमा फोर्ड मोटर कम्पनीका आधिकारिक आयातकर्ताले ग्राहकहरुका लागि पहिलोपटक विशेष अफर सार्वजनिक गरेको बताइएको छ । कम्पनीका अनुसार सीमित अवधिका लागि लागू हुने यस योजनाअन्तर्गत,चयनित फोर्डका प्रिमियम एसयूभी तथा पिकअप खरिद गर्दा ग्राहकहरुले एकदमै नयाँ इलेक्ट्रिक भेहिकल (इभी) निशुल्क प्राप्त गर्नेछन् ।
यस अफरमा समावेश मोडेलहरुमा फोर्ड एभरेष्ट,फोर्ड र्याप्टर रहेका छन् भने यी सवारी साधनहरु आफ्नो शक्तिशाली प्रदर्शन, मजबुती र विश्वसनीयका लागि परिचित रहेको जनाइएको छ ।
बढ्दो इन्धन मूल्य र दिगो यातायातप्रतिको चासो बढिरहेको बेला,फोर्ड नेपालले ग्राहकहरुलाई “दुवै संसारको उत्कृष्ट” अनुभव गराउने उद्धेश्य राखेको बताइएको छ । लामो दूरी कठिन भूभागका लागी बलियो फोर्ड सवारी र दैनिक शहर यात्राका लागि कम खर्चिलो तथा वातावरणमैत्री इभी भएको कम्पनीले बताएको छ ।
जी.ओ. अटोमोबाइल्सका एक प्रवक्ताले भने,”यो नेपालमा आफ्नो किसिमको पहिलो अफर हो । हामी ग्राहकहरुलाई फोर्डको रोमाञ्चक ड्राइभिगं अनुभवसगैँ विद्युतिय सवारीको व्यवहारिकता एउटै प्याकेजमा प्रदान गर्न चाहन्छौँ । यस योजनाअन्तर्गत,ग्राहकहरुले एउटै मूल्यमा दुईवटा सवारी साधन प्रप्त गर्ने अवसर पाउनेछन्,जसले थप मूल्य,सुविधा र विकल्प प्रदान गर्न चाहान्छौँ ।”
जी.ओ. अटोमोबाइल प्रा.ली नेपालमा फोर्ड उत्पादनहरूको एकमात्र अधिकृत बिक्रेता रहनुका साथै विश्वस्तरीय सेवा र ग्राहक सन्तुष्टि प्रदान गर्न प्रतिबद्ध रहेको कम्पनीको दाबी छ।
यसका काठमाडौं स्थित थापाथलीमा ४,६०० वर्गफुट क्षेत्रफलमा फैलिएको छ भने १८००० वर्गफुटको अत्याधुनिक कार्यशाला पनि सञ्चालनमा रहेको छ । प्रशिक्षित प्राविधिक टोली,सजिलो स्पेयर पार्ट्स उपलब्धता र कम खचिर्लो स्वामित्व दलागतले ग्राहकहरुलाई थप विश्वास दिलाएको जनाइएको छ ।
