कालिन्चोक हाइड्रोपावरको आईपीओ आजदेखि सर्वसाधारणका लागि खुला

काठमाडौँ । कालिन्चोक हाइड्रोपावर लिमिटेडले सर्वसाधारणका लागि आफ्नो आईपीओ बिक्रि प्रक्रिया आजबाट सुरु गरेको छ । यसअघि कम्पनीले स्थानीय बासिन्दा र वैदेशिक रोजगारीमा रहेका नेपालीहरुलाई छुट्याइएको शेयर वितरण गरिसकेको थियो ।

कम्पनीले नेपाल धितोपत्र बोर्डबाट अनुमति पाएपछि प्रति शेयर १०० रुपैँयाको दरमा १३ लाखभन्दा बढी कित्ता शेयर सार्वजनिक गरेको हो । सो मध्ये केही अंश सामूहिक लगानी कोष र कर्मचारीका लागि छुट्याइएको छ भने बाँकी हिस्सा सर्वसाधारणले आवेदन दिन पाउनेछन् । आवेदन दिन इच्छुक लगानीकर्ताले न्यूनतम १० हजार कित्तासम्म आवेदन दिन सक्नेछन् । आवेदन दिने अन्तिम मिति चैत २५ गते तोकिएको छ । आइपीओको बिक्री तथा व्यवस्थापन आरबिबि मर्चेन्ट बैकिंग लिमिटेडले गरिरहेको छ ।

सन् २०१६ मा स्थापना भएको कम्पनी २०२२ मा पब्लिक लिमिटेडमा रुपान्तरण भएको हो । यसले दोलखा जिल्लामा ५ मेगावट क्षमताको सांगु (सोरुण) खोला जलविद्युत आयोजना निमार्ण गरिरहेको भने यस बूट मोडेलअन्र्तगत सञ्चालन हुने योजना छ ।