काठमाडौँ । आज नेपाल स्टक एक्सचेन्ज (नेप्से)मा उत्साहजनक वृद्धि देखिएको छ । परिसुचक झण्डै ५० अंकले उकालो लाग्दै २८५१ बिन्दु नजिक पुगेको छ । झण्डै ५० अंकको वृद्धि सँगै बजारमा उत्साह देखिएको छ भने कारोबार रकम पनि उच्च रहँदै लगानीकर्ताको सक्रियता बढेको संकेत दिएको छ ।
कारोबारका क्रममा अधिकांश कम्पनीका शेयर किनबेच हुँदा बजारमा व्यापक सहभागिता देखियो । सबै १३ वटै उपसुचक हरियालीमा रहे भने जसमा विशेषगरी होटल तथा पर्यटन समूहले सबैभन्दा बढी वृद्धि देखाउनुका साथै बैँकिंग र फाइनान्स समूहले पनि साथ दिएका छन् ।
विश्लेषकहरुका अनुसार बजारमा देखिएको यो समग्र वृद्धि लगानीकर्ताको बढ्दो आत्मविश्वासको परिणाम हो । पछिल्ला समयको सकारात्मक माहोल कायम रहेमा नेप्से अझै माथि जाने सम्भावना देखिएको छ।
