डोङफेङको भोयाद्वारा नयाँ हुवावे हार्मोनीओएस, ८०० भि पिएचइभि र इभि संस्करणसहितको ताइशान एक्स८ एसयुभी सार्वजनिक

काठमाडौं । डोङफेङको भोयाले नयाँ ताइशान एक्स८ सार्वजनिक गरेको छ, जुन पाँच सिट क्षमता भएको ठूलो एसयुभी रहेको बताइएको छ। यो गाडी इभि र प्लग–इन हाइब्रिड दुवै संस्करणमा उपलब्ध हुनेछ, जसमा पिएचइभि संस्करणले अधिकतम ३१० किमीसम्मको इभि रेन्ज प्रदान गर्नुका साथै ताइशान एक्स८ हुवावेको हार्मोनीओएस इकोसिस्टमको नवीनतम संस्करण प्रयोग गर्ने पहिलो गाडी हुनेछ, जसमा डुअल १५.६ इन्च २के इन्फोटेनमेन्ट स्क्रिन समावेश गरिएको कम्पनीले जनाएको छ।

ताइशान एक्स८ भोयाको एसयुभी लाइनअपमा चौथो मोडल हो र ताइशान सिरिजअन्तर्गत दोस्रो मोडल रहेको बताइएको छ। यसअघि पहिलो मोडल ‘ताइशान’ नाममै सार्वजनिक भएको थियो। एक्स८ लाई त्यसको तलको सेग्मेन्टमा राखिएको छ, यद्यपि दुवै मोडलको डिजाइन र समग्र शैली मिल्दोजुल्दो छन्। एक्स८ मा ताइशानमा देखिने ठूलो क्रोम ग्रिल, पाङ्ग्रा र अन्य सजावटी तत्वहरू भने कम प्रयोग गरिएको जनाइएको छ।

यस मोडलको लम्बाइ ५२०० मिमी, चौडाइ २०२५ मिमी, उचाइ १८१४ मिमी र ह्विलबेस ३०९० मिमी रहनुका साथै  यो फ्ल्यागशिप ताइशानको तुलनामा केही सानो आकारको मा रहेको कम्पनीले बताएको छ। भोयाका अघिल्ला घोषणाहरूमा पावर ट्रिम र वैकल्पिक कन्फिगुरेसनहरूमा ध्यान दिइएको थियो भने, यसपटक ताइशान एक्स८ को इन्टेरियरमा हुवावेको भूमिका प्रमुख रूपमा प्रस्तुत गरिएको कम्पनीको दाबी छ।

भोयाका अनुसार ताइशान एक्स८ हुवावेको नयाँ पुस्ताको हार्मोनीओएस ककपिट इकोसिस्टम प्रयोग गर्ने पहिलो गाडी हुनेछ। साथै, यसमा डुअल–स्क्रिन २के १५.६ इन्च इन्फोटेनमेन्ट लेआउट हुनुका साथै दुवै स्क्रिनको अधिकतम ब्राइटनेस १००० निटसम्म पुग्छ र यी छुट्टाछुट्टै वा सँगै सञ्चालन गर्न सकिन्छ।

ताइशान एक्स८ मा ८००भि प्लेटफर्म र ५सि फास्ट–चार्जिङ सुविधा रहनुका साथै यो इभि तथा पिएचइभि दुवै संस्करणमा उपलब्ध हुनेछ। कम्पनीका अनुसार, पिएचइभि संस्करणमा ६५ किलोवाट क्षमताको ठूलो ब्याट्री रहेको छ भने जुन सम्भवतः सिएटीएल द्वारा आपूर्ति गरिएको टर्नरी लिथियम ब्याट्री हुनेछ। नयाँ ईभि संस्करणमा अधिकतम १२० किलोवाट क्षमताको ब्याट्री उपलब्ध हुनुका साथै यसलाई ब्रान्डकै सबैभन्दा ठूलो शुद्ध ईभि एसयुभी बनाउने अपेक्षा गरिएको कम्पनीले जनाएको छ।

ताइशान एक्स८ का लागि अर्डर बुकिङ सन् २०२६ को मध्यबाट खुल्ने अपेक्षा गरिएको छ। ताइशान, Courage (Zhiyin) र Free+ सँगै यो मोडल चीनको प्रतिस्पर्धात्मक न्यू–इनर्जी एसयुभी बजारमा प्रतिस्पर्धा गर्नेछ। हालसम्म घोषणा नगरिएको भए पनि ताइशानको मूल्य ३७९,९०० देखि ५०९,९०० युआन (करिब ५५,२०० – ७४,००० अमेरिकी डलर) रेन्जभन्दा कम हुने अनुमान गरिएको कम्पनीले बताएको छ। ताइशान X8 ले BYD Bao 8, Zeekr 8X र हुवावेको Aito M8 जस्ता प्रतिस्पर्धीसँग ‘८–सिरिज’ एसयुभी बजारमा प्रतिस्पर्धा गर्ने कम्पनीको दाबी छ।

अन्तर्राष्ट्रिय बजारका लागि यसको नामबारे पनि चर्चा भइरहेको जनाइएको छ। भोयाको वेबसाइटमा यो मोडललाई “Titan X8” नामले उल्लेख गरिएको देखिन्छ, जसले विश्व बजारमा पनि यही नाम प्रयोग हुन सक्ने संकेत गर्दछ।