सुनचाँदीको मूल्यमा गिरावट, कतिमा हुदैँछ कारोबार ?

काठमाडौं । नेपाली बजारमा आज बुधबार सुनचाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार मंगलबारको तुलनामा सुनको मूल्य प्रतितोला तीन हजार रुपैयाँले घटेको हो। मंगलबार प्रतितोला दुई लाख ९७ हजार ५ सय रुपैयाँमा कारोबार भएको छापावाल सुनको मूल्य बुधबार घटेर दुई लाख ९४ हजार ५०० रुपैयाँ कायम भएको महासंघले जनाएको छ।

यसैगरी सुनसँगै चाँदीको मूल्यमा पनि गिरावट आएको छ। मंगलबार प्रतितोला चार हजार ९ सय ४५ रुपैयाँमा बिक्री भएको चाँदी बुधबार ३० रुपैयाँले घटेर चार हजार ९ सय १५ रुपैयाँ पुगेको छ। अन्तर्राष्ट्रिय बजारको प्रभावसँगै स्थानीय बजारमा सुनचाँदीको मूल्य घटबढ भइरहेको बताइएको छ।