काठमाडौं । ‘द हिडन ट्रेजर मिस नेपाल २०२६’ को मुख्य प्रायोजकमा कजारिया अनुबन्ध भएको छ । सेरामिक र भिट्रिफाइड टायल उद्योगको अग्रणी ब्रान्ड कजारियाले सौन्दर्य, बौद्धिकता, आत्मविश्वास र महत्वाकांक्षालाई उजागर गर्ने नेपालको सबैभन्दा प्रतिष्ठित एवम् प्रभावशाली मञ्चमध्येको एक ’द हिडन ट्रेजर मिस नेपाल २०२६’ को मुख्य प्रायोजकका रूपमा आफ्नो आबद्धता घोषणा गर्न पाउँदा गर्व व्यक्त गरेको छ । यससम्बन्धी औपचारिक पत्रकार सम्मेलन २०८३ जेठ ७ मा ललितपुरको पुल्चोकस्थित ’द प्लाजा’ मा आयोजना गरिएको थियो ।
यो साझेदारी केवल एक प्रायोजन मात्र नभई नेपालीहरूको आकांक्षासँग जोडिने कजारियाको प्रतिबद्धता पनि हो। यस मञ्चले सपनाहरूलाई प्रेरित गर्ने, सफलताको उत्सव मनाउने र आत्मविश्वासले भरिएको नयाँ पुस्तालाई सशक्त बनाउने लक्ष्य राखेको बताइएको छ ।
मिस नेपाल २०२६ सँगको यस आबद्धतामार्फत कजारियाले टायल र डिजाइन सोलुसन्सको दायराभन्दा बाहिर गएर आफ्नो उपस्थितिलाई मजबुत बनाउने लक्ष्य राखेको जनाएको छ ।
यसले आफूलाई आकांक्षा, भव्यता, आत्मविश्वास र आधुनिक नेपाली उत्कृष्टतालाई प्रतिनिधित्व गर्ने ब्रान्डको रूपमा स्थापित गर्न खोजेको छ । यो सहकार्यले रचनात्मकता, महत्वाकांक्षा र रूपान्तरणलाई प्रतिबिम्बित गर्ने मञ्चहरूसँग हातेमालो गर्ने कजारियाको दृष्टिकोणलाई थप सबल बनाएको बताइएको छ ।
‘द हिडन ट्रेजर मिस नेपाल २०२६’ सँग सहकार्य गर्दै कजारियाले देशभरका उपभोक्ताहरूसँग गहिरो भावनात्मक सम्बन्ध स्थापना गर्दै ब्रान्डको उपस्थिति र आकर्षणलाई बढाउने लक्ष्य लिएको जनाइएको छ । यस आबद्धताले कजारियाको परिष्कृत , विश्वसनीय र दूरगामी ब्रान्डको छविलाई अझ बलियो बनाउँछ, जुन समकालीन जीवनशैली र आकांक्षाहरूसँगै निरन्तर विकसित भइरहेको बताइएको छ ।
यस अवसरमा कजारियाका प्रवक्ताले भने, “मिस नेपाल २०२६ को मुख्य प्रायोजकको रूपमा आबद्ध हुन पाउँदा हामीलाई अत्यन्तै गर्व लागेको छ । यो एउटा यस्तो मञ्च हो जसले आधुनिक नेपालको भावना, आत्मविश्वास, महत्वाकांक्षा र उत्कृष्टताको वास्तविक प्रतिनिधित्व गर्दछ । यो सहकार्य प्रायोजन मात्र नभएर व्यक्तिहरूलाई प्रेरित गर्ने र सफलताको उत्सव मनाउने मञ्चहरूलाई सहयोग गर्ने हाम्रो प्रतिबद्धताको प्रमाण हो। यस आबद्धतामार्फत हामी नेपालभरका दर्शकहरूसँगको आफ्नो सम्बन्धलाई प्रगाढ बनाउन चाहन्छौं र कजारियालाई आकांक्षा, भव्यता र समकालीन जीवनशैलीको पर्याय ब्रान्डको रूपमा स्थापित गर्न चाहन्छौं ।”
यस मुख्य प्रायोजनसँगै कजारियाले उत्पादनभन्दा माथि उठेर अर्थपूर्ण ब्रान्ड अनुभवहरू सिर्जना गर्ने आफ्नो यात्रालाई निरन्तरता दिएको छ, जसले गर्दा आफूलाई नेपालमा आकांक्षा, आत्मविश्वास र आधुनिक जीवनशैलीको प्रतीकको रूपमा स्थापित गरेको जनाएको छ ।
कजारिया रमेश टायल्स लिमिटेडले उन्नत प्रविधिसहितको देशकै सबैभन्दा ठूलो टायल उत्पादन उद्योग स्थापना गरी नेपालमा टायल उद्योगलाई नयाँ परिभाषा दिएको छ । यसको नेतृत्व विभिन्न अन्तर्राष्ट्रिय मान्यताहरूबाट थप सुदृढ बनेको छ, जसमा सुपरब्रान्ड २०२५ को उपाधि, Asia’s Most Promising Brand को मान्यता तथा विश्वका शीर्ष ८ टायल उत्पादक कम्पनीमध्ये एकका रूपमा स्थापित हुनु समावेश छन् । गुणस्तर तथा दिगोपनाप्रतिको प्रतिबद्धता आइएसओ ९००१ः२०१५ र आइएसओ १४००१ः२०१५ प्रमाणीकरणमार्फत पुष्टि भएको छ भने भारतीय हरित भवन परिषद्को सदस्यताले यसको वातावरणीय जिम्मेवारीलाई झल्काउँछ ।
यसैलाई निरन्तरता दिँदै कजारियाले हालै एनएस क्वालिटी अर्वाड २०२६ समेत प्राप्त गरेको छ, जसले यसलाई विश्वसनीय र विश्वस्तरीय टायल उत्पादकका रूपमा थप मजबुत बनाउनुका साथै ३,००० भन्दा बढी डिजाइन विकल्पसहित कजारियाले टिकाउपन, सौन्दर्य र कार्यसम्पादनको उत्कृष्ट संयोजनमार्फत आन्तरिक स्थानहरूलाई रूपान्तरण गर्दै आएको बताइएको छ ।
हाल कजारियाले नेपालभर १०० भन्दा बढी शोरूमहरूको सशक्त सञ्जाल विस्तार गरिसकेको छ । कम्पनीका उत्पादनहरूमा ग्लेज्ड भिट्रिफाइड टायल (६० x १२० से.मी., ६० x ६० से.मी., १९.५ x १२० से.मी. र ४० x ४०से.मी. ८मि.मी.), हेभी ड्युटी ग्लेज्ड भिट्रिफाइड टायल ४० x ४०से.मी.१२ मि. मी. तथा सेरामिक वाल टायल (३० x ६० से.मी., ३० x ४५ से.मी. समावेश छन् । यी टायलहरू पानी तथा दाग प्रतिरोधी, बलियो, दीगो र आधुनिक डिजाइनमा उपलब्ध छन् ।
