नेपालमा थप १५२ जनामा कोरोना पुष्टि, १ जनाको गयो ज्यान

काठमाडौं । पछिल्लो २४ घण्टामा नेपालमा कोरोना भाइरसका १ सय ५२ जना नयाँ संक्रमित थपिएका छन् । यो अवधिमा ६५ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा संक्रमणका कारण एक जनाको निधन भएको छ । नेपालमा हाल सक्रिय संक्रमितको संख्या १ हजार ५ सय ७९ पुगेको छ । यसैगरी नेपालमा हालसम्म ३ हजार ३१ जनाले संक्रमणका कारण ज्यान गुमाएका छन् ।

यसका साथै नेपालमा हालसम्म संक्रमित हुनेहरुको संख्या २ लाख ७७ हजार ४ सय ६१ पुगेको छ भने संक्रमणमुक्त हुनेहरुको संख्या २ लाख ७२ हजार ८ सय ५१ पुगेको छ ।