सरकार लकडाउनमा जान चाहँदैन् : प्रधानमन्त्री ओली

१ बैशाख । प्रधानमन्त्री केपी शर्मा ओलीले आफूहरुले लकडाउन लगाउन नचाहेको स्पष्ट पारेका छन् । उनले आफूहरु अरु नै विधिबाट परिस्थितिलाई सामना गर्ने अवस्थामा रहेको स्पष्ट पारेका छन् । आज नयाँ वर्ष २०७८ को अवसरमा देशवासीको नाममा सम्बोधन गर्दै प्रधानमन्त्री ओलीले यस्तो बताएका हुन् ।
उनले यसअघि आफूले बोलेको विषयलाई प्रधानमन्त्रीले फेरि लकडाउन गर्ने धम्की दिएको भनेर समाचार आएको भन्दै त्यसप्रति गुनासो पोखे । उनले कतिपयले सरकारले आजै लकडाउन गर्न लाग्यो, भरे लगाउन लाग्यो भनेर हल्ला फैलाएको पनि सुनाए । तर, सरकारले लकडाउन लगाउनेबारे नसोचेको उनको भनाई छ ।