उपत्यकामा आज २७ सय ८५ संक्रमित थपिए

काठमाडौं । नेपालमा पछिल्लो २४ घण्टामा कोभिड-१९ का ७ हजार २२० जना संक्रमित थपिएका छन् । जसमध्ये ९ वर्षसम्मका बालबालिका १७३ जना र १० देखि १९ वर्षका ५०७ जना रहेका छन् ।

त्यस्तै, २० देखि २९ सम्मका १ हजार ५९१ जना रहेका छन् । पछिल्लो २४ घण्टामा संक्रमित हुनेहरुमा सबैभन्दा धेरै ३० देखि ३९ वर्षका नागरिक १ हजार ६३९ जना छन् । ४० देखि ४९ वर्षका १ हजार २८४, ५० देखि ५९ वर्षका १ हजार ६ जना, ६० देखि ६९ का ६११ जना छन् ।

त्यस्तै, ७० देखि ७९ का २६१ जना, ८० देखि ८९ का ११३ जना, ९० देखि १०० वर्ष उमेरका ७ जना र उमेर नखुलेका २८ जना छन् । अहिले देशभर १ हजार ६९७ जना आईसीयूमा र ४६७ जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।