आज ८.८७ अंकले घट्यो नेप्से

काठमाडौं । आज शुक्रबार नेपाली सेयरबजार ८ अंकले घटेको छ । अरु दिन अपराह्न ३ बजेसम्म कारोबार हुने सेयरबजारे शुक्रबार भने १ बजेसम्म मात्रै खुल्छ ।

आज शेयरबजार मापक नेप्से परिसूचक अनुसार बजार ८.८७ अंकले घटेको छ । सेन्सिटिभ सूचक पनि आज ३.१७ अंकले घटेको छ । बजार बन्द हुँदासम्म सेयरबजारमा २२० कम्पनीको सेयर कारोबार भएको छ ।

२८ हजार ८ सय ६४ पटक भएको खरिदबिक्रीमा १ अर्ब ४५ करोड ९३ लाख रुपैयाँको सेयर कारोबार भएको हो ।

त्यस्तै, आज आँधिखोला लघुवित्त र सीवाईसी लघुवित्तका सेयरधनीले सर्वाधिक १० प्रतिशत आम्दानी गरेका छन् । गुमाउनेले भने ४.७७ प्रतिशतसम्म गुमाएका छन् । आज शिवम् सिमेन्टको सर्वाधिक साढे ५ करोडको सेयर कारोबार भएको छ ।