आज सयपत्री हाइड्रोपावरको आईपीओमा आवेदन दिने अन्तिम दिन

काठमाडौं । आज शुक्रबार सयपत्री हाइड्रोपावरको आईपीओमा आवेदन दिने अन्तिम दिन रहेको छ । हाइड्रोपावरले असार २ गतेदेखि आयोजना प्रभावित स्थानीय बासिन्दाहरूलाई आईपीओ बिक्री खुला गरेको छ ।

लगानीकर्ताले शुक्रबार कार्यालय समयभित्र आवेदन दिइसक्नुपर्ने हुन्छ । आईपीओमा एनआईबिएल एस क्यापिटल बिक्री प्रबन्धक रहेको छ ।

उक्त कम्पनीले १०० अंकित मूल्यमा ३ लाख कित्ता सेयर बिक्री खुला गरेको हो । यसले आयोजना प्रभावित क्षेत्र बागलुङको ताराखोला गाउँपालिका र गल्कोट नगरपालिकाका स्थानिय बासिन्दालाई निष्कासन गरेको हो ।

यसैगरी, स्थानीय बासिन्दाले प्रभु बैंकको ताराखोला र गल्कोट शाखा, ग्लोबल आइएमई बैंकको गल्कोट शाखा, कामना सेवा विकास बैंकको गल्कोट शाखा र एनआइबिएल एस क्यापिटल लाजिम्पाट, काठमाडौंबाट आईपीओ भर्न पाउनेछन् ।