बुटवलको होटलमा एक युवतीको शव भेटियो

काठमाडौं । बुटवलको गोलपार्कस्थित एक होटेलमा २१ वर्षिया युवती मृत फेला परेकी छन् ।

मृत फेला परेकी सदीक्षा गुरुङ पूर्वी पाल्पाली गाल्धाली होटेलमा असार २४ गते राति बास बसेकी थिइन् । होटेलको कोठा नंं १०५ मा बस्न सदीक्षा नै आएर रुम बुक गरेकी थिइन् । उनलाई कोठामा झुण्डिएको अवस्थामा मृत फेला पारिएको हो । प्रहरीले उनी बुटवल वडानंम्बर २ की बासिन्दा भएको जनाएको छ ।

प्रहरीले सदीक्षासँगै बसेका एक युवक पक्राउ परेको र थप अनुसन्धान भइरहेको जनाएको छ । मृतकको शव पोष्टमार्टमका लागि लुम्बिनी प्रादेशिक अस्पतालमा छ । प्रहरीले पक्राउ गरेको युवक घटनापछि फरार भएका थिए । उनीको परिचय भने खुलाइएको छैन ।