काठमाडौं । श्रीलंकाका प्रधानमन्त्री रनिल विक्रमसिंघेले देशमा संकटकाल घोषणा गरेका छन् ।
प्रधानमन्त्रीको कार्यालयले विक्रमसिंघेले देशमा संकटकाल घोषणा गरेको सूचना निकाल्दै पश्चिमी प्रान्तमा कर्फ्यु आदेश पनि जारी गरेको छ । प्रदर्शनकारीले राष्ट्रपति भवन कब्जा गरेपछि राष्ट्रपति गोटाबाया राजपक्षे देश छाडेर भागेका छन् । उनी भागेर माल्दिभ्स पुगेलगत्तै विक्रमसिंघेले देशमा संकटकाल घोषणा गरेका हुन् ।
त्यस्तै, देश आर्थिक संकटमा फसेपछि नागिरकले राष्ट्रपति र प्रधानमन्त्री दुबैको राजीनामा मागेर प्रदर्शन गरिरहेका छन् । तसर्थ, आज बुधबार राष्ट्रपतिले राजीनामा दिने बताएका थिए । प्रदर्शनकारीहरुले दुबैले राजीनामा निदएसम्म राष्ट्रपति भवन कब्जा गरिरहने अडान लिएका छन् ।
