सयपत्री हाइड्रोपावरले आईपीओ निष्कासन गर्दै, सर्वसाधारणका लागि कति कित्ता?

काठमाडौं । सयपत्री हाइड्रोपावर लिमिटेडले १३ साउनदेखि सर्वसाधाण्का लागि प्रतिकित्ता १०० रुपैयाँ अंकित मूल्यमा आईपीओ बिक्री खुला गर्न लागेको छ । कम्पनीको धितोपत्र निष्कासन तथा तथा बिक्री प्रबन्धक एनआईबीएल एस क्यापिटल लिमिटेड रहेको छ ।

आयोजना प्रभावित क्षेत्रका बासिन्दाहरुका लागि आईपीओ निष्कासन गरेपछि सर्वसाधारणका लागि सार्वजनिक निष्कासन गर्न लागिएको हो । सर्वसाधारणका लागि ७ लाख २१ हजार ६० कित्ता साधारण सेयर निष्कासन गर्ने जनाइएको छ ।

आयोजना प्रभावित स्थानीयलाई निष्कासन गरेर बिक्री नभएको साधारण सेयर निष्कासन गर्न लागिएको हो । जसमध्ये ३६ हजार ५३ कित्ता सेयर सामूहिक लगानी कोषलाई र १४ हजार ४२१ कित्ता कर्मचारीलाई सुरक्षित गरिएको छ । बाँकी ६ लाख ७० हजार ५८६ कित्ता सेयरमा भने सर्वसाधारणले आवेदन भर्न सक्नेछन् ।

लगानीकर्ताहरुले स्वीकृति प्राप्त सम्पूर्ण सी–आस्वा सदस्य बैंक तथा वित्तीय संस्था र मेरोशेयर वेब तथा मोबाइल एपमार्फत पनि आवेदन दिन सक्नेछन् । कम्पनीको आईपीओमा छिटोमा १७ साउन र ढिलोमा २७ साउनसम्म न्यूनतम १० देखि अधिकतम ३० हजार कित्ताका लागि आवेदन दिन सकिनेछ ।