घुससहित पक्राउ परे उपसचिव, गाडीबाट थप साढे १६ लाख बरामद

काठमाडौं । संस्कृति पर्यटन तथा नागरिक उड्डयन मन्त्रालयका उपसचिव प्रमोद नेपाल ६ लाख रुपैयाँ घुससहित पक्राउ परेका हुन् । उनको साथमा रहेको थप साढे १६ लाख रुपैयाँ पनि बरामद भएको छ ।

अख्तियार दुरुपयोग अनुसन्धान आयोगले मन्त्रालयका उपसचिव नेपालको साथबाट थप साढे १६ लाख रुपैयाँ बरामद गरेको हो । गाडीमा भेटिएको यो रकमसहित उनको साथबाट साढे २२ लाख रुपैयाँ बरामद भएको छ । आयोगले यसअघि उपसचिव नेपाललाई नागपोखरीको एक होटलबाट ६ लाख रुपैयाँ घुससहित रङ्गेहात पक्राउ गरेको थियो ।

अख्तियारले उनले पर्यटन व्यवसाय दर्ताका लागि घुस लिइरहेको जनाएको छ ।