कुकुरलाई बचाउन खोज्दा मोटरसाइकल दुर्घटना, एक जनाको मृत्यु

काठमाडौं । सप्तरीमा मोटरसाइकल दुर्घटनामा एक जनाको मृत्यु भएको छ। सोमबार बिहान करिब साढे ८ बजे शम्भुनाथ नगरपालिका–५ मोहनपुरस्थित पूर्व–पश्चिम राजमार्गमा पश्चिमबाट पूर्वतर्फ जाँदै गरेको प्रदेश २–०१–००२ प ३९९३ नम्बरको मोटरसाइकल दुर्घटना हुँदा बोदेबर्साइन नगरपालिका–२ की ४५ वर्षीया अञ्जनादेवी यादवको मृत्यु भएको जिल्ला प्रहरी कार्यालय सप्तरीले जनाएको छ ।

कुकुरलाई बच्चाउने क्रममा मोटरसाइकल आफै अनियन्त्रित भएर दुर्घटना हुँदा ४८ वर्षीय मोहन कुमार यादवलाई केही नभए पनि मोटरसाइकलमा पछाडि सवार उनकी श्रीमतीको मृत्यु भएको सप्तरीका प्रहरी प्रवक्ता प्रहरी नायव उपरीक्षक माधव प्रसाद काफ्लेले जानकारी दिए।