नेप्से दोहोरो अंकले घट्यो

आज (विहिबार) सेयर बजारमा गिरावट आएको छ । तिहार बिदा पछि निरन्तर बढेको नेप्सेमा आज दोहोरो अंकको गिरावट आएको हो । नेप्से परिसूचकसँगै आज कारोबार रकम पनि गिरावट आएको छ । नेपाल स्टक एक्सचेञ्जका अनुसार विहिबार सेयर कारोबार मापक नेप्से परिसूचक १६.१४ अंकले घटेर १९२२.१६ विन्दुमा पुगेको छ । नेप्से ०.८३ प्रतिशतले घटेको हो । यता सेन्सेटिभ परिसूचक पनि ३।५० अंकले घटेर ३७९।४३ विन्दुमा पुगेको छ ।

कूल २२० वटा कम्पनीको २७ लाख ६६ हजार ५ सय ३९ कित्ता सेयर खरिदबिक्री हुँदा ८९ करोड ८९ लाख ७ हजार ८ सय ३० रूपैयाँ बराबरको कारोबार भएको नेप्सेले जनाएको छ । कारोबार भएको १३ उपसमूहमध्ये २ वटा उपसमूह बढेको छ भने बाँकी सबै उपसमूह ओरालो लागेका छन् । सबैभन्दा धेरै जलबिद्युत समूह घटेको छ ।

आज एभरेष्ट बैंक लिमिटेडको सर्वाधिक कारोबार भएको छ । कम्पनीको ४ करोड ३ लाख ५१ हजार रूपैयाँ बराबरको कारोबार भएको हो । यस्तै, विहिबार युनिलिभर नेपाल लिमिटेडको सेयरमूल्य सबैभन्दा धेरै बढेको छ । बैंकको सेयरमूल्य ६.५६ प्रतिशतले बढेर प्रतिकित्ता १९ हजार ५ सय रूपैयाँ पुगेको छ ।

त्यसैगरी, यस दिन विन नेपाल लघुवित्त वित्तीय संस्था लिमिटेडको सेयरमूल्य सबैभन्दा धेरै घटेको छ । संस्थाको सेयरमूल्य ४.९४ प्रतिशतले घटेर ८ सय ८५ रूपैयाँमा झरेको छ ।