काठमाडौं । ललितपुरको सानेपा बस्ने सदिक्षा चौधरीको आत्महत्याको कारण खुल्न सकेको छैन । बुधबार राति १६ वर्षकी चौधरीले झुण्डिएर आत्महत्या गरेकी थिइन् । आत्महत्याको कारण खुल्न नसकेको ललितपुर प्रहरीले जनाएको छ ।
सप्तरीको सुरुङ्गा नगरपालिका वडा नं ७ बसाङकोटी घर भई हाल सानेपामा बस्दै आएकी चौधरीले आफ्नै कोठाको पङ्खाको हुकमा सलको पासो लगाएर ज्यान फालेकी हुन् ।
किशोरीले आत्महत्या गर्नुको कारण अझै पनि खुल्न सकेको छैन् । यस सम्बन्धमा थप अनुसन्धान भइरहेको छ । हाल उनको शव पोस्टमार्टमका लागि पाटन अस्पतालमा राखिएको छ ।
