मार्टिनेजले ४ वर्षअघि स्टेडियममा बसेर हेरेका थिए अर्जेन्टिनाको हार, अहिले जिते ‘गोल्डेन ग्लोभ्स’

एजेन्सी । एमिलियानो मार्टिनेज नयाँ स्टारका रूपमा देखा परेका छन् । फिफा विश्वकपको फाइनलमा यी ३० वर्षीय गोलकिपरले फ्रान्सका खेलाडीलाई गोल गर्नबाट रोकेका थिए । जसका कारण अर्जेन्टिनाले ३६ वर्षपछि विश्वकप फुटबलको उपाधि जित्न सफल भयो ।

फुलटाइम र एक्स्ट्रा टाइममा ३–३ गोलको बराबरी भएपछि अर्जेन्टिनाले फ्रान्सलाई पेनाल्टी सुटआउटमा ४–२ ले हराएको थियो । यसरी टोलीले २०१८ विश्वकपको प्रि९क्वार्टरफाइनलमा फ्रान्ससँगको हारको बदला पनि लिएको छ । अनुभवी खेलाडी लियोनल मेस्सीको यो अन्तिम विश्वकप थियो ।

मार्टिनेजले यसअघि क्वार्टरफाइनलमा पनि टोलीलाई जित दिलाउन महत्वपूर्ण भूमिका खेलेका थिए । २–२ गोलको बराबरी भएपछि खेलको निर्णय पेनाल्टी सुटआउटबाट गरिएको थियो । अर्जेन्टिनाले ५ गोलमध्ये ४ गोल गरेको थियो । अर्कोतर्फ नेदरल्याण्डका खेलाडीले ३ गोल मात्रै गर्न सके ।

मार्टिनेजका लागि विशेष कुरा यो हो कि उनले गत वर्ष जुनमा अर्जेन्टिनाका लागि अन्तर्राष्ट्रिय डेब्यु गरेका थिए र यति छोटो समयमा उनी ठूलो स्थानमा पुगेका थिए । सन् २०२१ मा अर्जेन्टिनाले कोपा अमेरिकाको उपाधि पनि जितेको थियो । सेमिफाइनलमा उनले कोलम्बियाविरुद्धको शुटआउटमा ३ शट रोकेका थिए ।

मार्टिनेज आफ्ना आमाबाबुसँग धेरै संलग्न छन् । जब उनले अंग्रेजी फुटबल क्लब आर्सेनलमा सामेल हुने प्रस्ताव प्राप्त गरे, उनकी आमाले उनलाई घरेलु टोलीबाट खेल्न र अर्जेन्टिनाको टोलीमा प्रवेश गरेको हेर्न चाहन्थिन् । त्यसअघि पनि उनी इंग्लिस क्लबबाट खेल्दै आएका थिए ।

तर, उनको बाल्यकाल समस्याले भरिएको थियो र उनले पनि गरिबीका कारण कठिन दिनको सामना गर्नुपरेको थियो । लकडाउनको समयमा, जब विश्वभर खेल बन्द थियो । त्यसपछि मार्टिनेजले आफ्नी श्रीमती र मेसिनको सहयोगमा अभ्यास गर्थे, ताकि लय नबिग्रोस् ।

यो विश्वकप लियोनल मेस्सीका लागि विशेष थियो, किनभने यसअघि उनले उपाधि जित्न सकेका थिएनन् र प्रतियोगितापछि सन्यासको घोषणा गरेका थिए । विश्वकपको अन्तिम सिजन २०१८ मा रुसमा खेलिएको थियो ।

गत सिजन राउण्ड-१६ मा फ्रान्सले अर्जेन्टिनालाई पराजित गर्दा मार्टिनेज भाइसँग स्टेडियममा बसेर खेल हेरिरहेका थिए । त्यसपछि उनले आफूले २०२२ को विश्वकप जित्ने वाचा गरे र कतारमा उपाधि उचाल्न सफल पनि भए ।

मार्टिनेजले उत्कृष्ट गोलकिपरको लागि गोल्डेन ग्लोभ्स अवार्ड प्राप्त गरे । यसले उनीहरूको प्रदर्शन देखाउँछ । खेलपछि उनी फ्रान्सका केलियन एमबाप्पेलाई पनि सान्त्वना दिँदै आएका थिए । खेलमा एम्बाप्पेले सुटआउटमा एक गोल सहित ४ गोल गरेपनि टिमलाई जित दिलाउन सकेनन् ।

८ गोल गरेका एमबाप्पेले गोल्डेन बुट पाए । जबकि मेस्सी प्रतियोगिताको उत्कृष्ट खेलाडी चुनिए र गोल्डेन बल जिते । उनी दुई पटक यो अवार्ड पाउने विश्वकै पहिलो खेलाडी बनेका छन् ।

तर यस पटक मेस्सीले फाइनल खेलमा कुल ३ गोल गर्दै उपाधिको लामो प्रतिक्षाको अन्त्य गरे । यसरी उनी महान खेलाडी डिएगो म्याराडोनाको बराबरीमा पुगेका छन् । सन् १९८६ मा अर्जेन्टिनालाई अन्तिम पटक च्याम्पियन बनाउन म्याराडोनाले महत्वपूर्ण भूमिका खेलेका थिए ।