‘निर्मला हत्याकाण्डको अनुसन्धान प्रभावकारी रुपमा अघि बढाएर दोषीलाई कारबाही गर्छु’

काठमाडौं । नवनियुक्त उपप्रधान तथा गृहमन्त्री रवि लामिछाने निर्मला पन्त हत्याकाण्डको अनुसन्धान प्रभावकारी रुपमा अघि बढाएर दोषीलाई कारबाही गर्न पहल लिने निर्णय गर्नुभएको छ ।

सोमबार शपथग्रहण पछि पदभार ग्रहण गर्ने क्रममा मन्त्रालयका पदाधिकारी एवम् सञ्चारकर्मीहरुसँग बोल्दै मन्त्री लामिछानेले सो जानकारी दिनुभएको हो ।

वि।सं। २०७५ साउन ११ गते हत्या गरिएका पन्तको अनुसन्धान प्रभावकारी हुन नसकेको सन्दर्भमा छानबिन गरी पीडितलाई न्याय दिन प्रहरी प्रधान कार्यालयलाई निर्देशन दिनुभएको हो ।

पदभार ग्रहणपछि पहिलो निर्णय सुनाउँदै उहाँले भन्नुभयो, हत्या गरिएका निर्मला पन्तको अनुसन्धान प्रभावकारी हुन नसकेको सन्दर्भमा छानबिन गरी पीडितलाई न्याय दिन प्रहरी प्रधान कार्यालयलाई निर्देश्दिन निर्णयार्थ प्रस्तुत गरिएको छ ।”

जनताले ठूलो अपेक्षासहित आफूलाई यस स्थानमा पु¥याएको भन्नुहुँदै उहाँले मन्त्रालयमा सबैसँग मित्रवत् सम्बन्ध राखेर सहकार्य गरिने बताउनुभयो । नागरिक एकचोटि प्रहरीसमक्ष पुगेपछि मसँग प्रहरी छ भन्ने अनुभूति दिलाउने गरी काम गर्नुपर्ने ठूलो चुनौती रहेको उहाँले भन्नुभयो ।