न्यूनतम साझा कार्यक्रम ल्याउने सत्ता गठबन्धनको तयारी, ओली तोकिए संयोजक

काठमाडौं । सत्ता गठबन्धनले न्यूनतम साझा कार्यक्रम ल्याउने तयारी गरेको छ । यसको लागि उसले आज संयोजक पनि तोकेको छ । प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठकले सत्ता साझेदार दलको संयोजकमा एमाले अध्यक्ष केपी शर्मा ओलीलाई तोक्ने निर्णय गरेको छ ।

सत्ता गठबन्धनभित्रै सरकारको लागि न्यूनतम साझा कार्यक्रम ल्याउनुपर्ने आवाज उठेकोले त्यसको लागि ओलीलाई संयोजक तोकिएको थियो । बालुवाटारको बैठकपछि संक्षिप्त कुरा गर्दै गृहमन्त्री रवि लामिछानेले भने,‘सरकारको उद्देश्य प्राप्तिका लागि न्यूनतम साझा कार्यक्रम बनाउने सहमति भएको छ। यसका लागि हामीले संयोजक तोकेका हौँ, सरकारमा रहेका दलहरूबाट एकरएक जना सदस्य पनि पठाउने तयारी छ।’

राप्रपा पनि सरकारमा सहभागी हुने भएको छ । उसले सरकारको तर्फबाट आउने न्यूनतम साझा कार्यक्रम हेरेर र आफ्ना केही माग पनि अघि सार्ने बुझिएको छ ।