प्रचण्डलाई माघ २८ सम्म खड्गो छ, देउवा र ओलीका ग्रह-दशा राम्रा छन्ः ज्योतिष रिजाल

काठमाडौं । चर्चित ज्योतिष पण्डित एवं वास्तुविद् सुरेशचन्द्र रिजालले न्यायालयमा सरकारको हस्तक्षेपका कारण नेपालीले अस्थिरताको सामना गर्नुपर्ने अवस्था आएको बताएका छन् ।
‘मैले तपाईंकै कार्यक्रममा पहिले पनि भनेको थिएँ( २०७८ फागुन १ मा न्यायालयमा सरकारले हस्तक्षेप गर्दा कालसर्प योग परेकाले सत्ता गठबन्धनलाई गम्भीर असर पर्न सक्छ । शेरबहादुर देउवा र केपी शर्मा ओलीको राशि मकर न्यायको कारक ग्रह हो । त्यसैले उहाँहरु अहिले प्रधानमन्त्री हुन सक्नुभएन । यस्तै नयाँ प्रधानमन्त्रीको शपथग्रहणको मुहूर्त पनि उचित समयमा नभएकाले २०८१ असारसम्म राजनीति यस्तै अस्थिर रहने योग छ । न्यायालयमा हस्तक्षेप गर्दा सम्पूर्ण नेपालीले समस्या भोग्नुपर्ने अवस्था आएको छ,’ नेपाली रेडियो नेटवर्क ९एनआरएन० को कार्यक्रम ‘नेपाली बहस’का लागि पत्रकार ऋषि धमलासँग कुरा गर्दै रिजालले भने ।
तपाईंले भनेजस्तो शेरबहादुर देउवा सात पटक प्रधानमन्त्री बन्न सक्नु भएन नि भन्ने पत्रकार धमलाको प्रश्नमा पण्डित रिजालले भने, ‘मैले देउवाजीको पटकपटक प्रधानमन्त्री योग छ भनेको हुँ । सात पटक भनेको होइन । शेरबहादुर देउवा र केपी शर्मा ओलीको औराशक्ति समान छ । मकर राशिको स्वामि ग्रह कमजोर छैन । साढे सातको दशा सकिएपछि उहाँहरु फेरि प्रधानमन्त्री हुन सक्नुहुन्छ ।’
अपमानपूर्वक बहिर्गमन हुने ग्रहदशा देउवाको नभएको उनको स्पष्टोक्ति छ । उनले भने, ‘राशि, ग्रह र नक्षत्र अध्ययन गर्दा नेपाली कांग्रेसले सत्ता गुमाए पनि सबै चिज गुमाएको छैन । योगको कमजोरीले देउवाजी शक्तिशाली पदमा नरहनुभएको होइन । राजनीतिक छलकपट, ढाँटका कारण मात्र हो ।’
पुष्पकमल दाहाल (प्रचण्ड) नेतृत्वको सरकारलाई माघ २७ सम्म खड्गो रहेको पनि उनले बताए । दाहालले भने, ‘प्रचण्डको राशि मिथुन हो । माघ २७ मा मात्र शनिको अढैया दशाले छाड्ने छ । शनि दिग्बलि नभएकाले बाहिरी सहयोग नहुन सक्छ । प्रचण्डको धोका दिने र धोका खाने दुवै योग छ । पुस २६ पछि दुई राशि परिवर्तन हुँदा उहाँको सरकारलाई थोरै संकट आउन सक्छ ।’ उनले संघीयता र धर्मनिरपेक्षताका कारण पनि मुलुकमा राजनीतिक अस्थिरता हुने अवस्था आएको औंल्याए । ग्रह दशाको अध्ययनबाट मध्यावधि निर्वाचनको योग नभएको उनको जिकिर छ ।