घरेलु हिंसाको सिकार बनिन् नवाजुद्दीन सिद्दिकीको श्रीमती !

एजेन्सी । पछिल्लो समय अभिनेता नवाजुद्दीन सिद्दिकीको व्यक्तिगत जीवनमा धेरै समस्याहरु चलिरहेका छन् । उनकी श्रीमती र परिवारका सदस्यहरू बीच तनाव सुरु भएको छ ।

बलिउड इन्डस्ट्रीका चर्चित अभिनेता नवाजुद्दीन सिद्दिकीको व्यक्तिगत जीवनमा यतिबेला धेरै समस्याहरु चलिरहेका छन् । उनकी श्रीमती र परिवारका सदस्यहरू बीच तनाव सुरु भएको हो ।

यसअघि पनि अभिनेताकी श्रीमती आलियाले उनी र ससुरामाथि गम्भीर आरोप लगाएकी थिइन् भने अब फेरि एक पटक उनले नवाजुद्दीनको परिवारमाथि धेरै चकित पार्ने आरोप लगाएकी छिन् ।

हालै आलियाले इन्स्टाग्राममा एउटा भिडियो सेयर गरेकी छिन् । यस भिडियोको क्याप्सनमा उनले लेखेका छन्, विगत सात दिनदेखि उनीसँग जनावर जस्तो व्यवहार भइरहेको छ ।

यो भिडियो पोस्ट गरेपछि आलियाले आफ्नो क्याप्सनमा सम्पूर्ण कथा सुनाएकी छिन् । आलियाले लेखेकी छिन्, ‘विगत ७ दिनदेखि म आफ्नै श्रीमानको घरमा बस्न बाध्य छु, सुत्न हल मात्र प्रयोग गर्छु । दुबईबाट भर्खरै आएका मेरा बच्चाहरू मसँग दुई वटा सोफा सेट थपेर हलमा सुतिरहेका छन् ।

पाहुनाहरूलाई नुहाउनको लागि एउटा सानो बाथरूम छ । न त खानेकुरा पाइन्छ न सुत्ने ठाउँ, यसबाहेक अंगरक्षकले पनि मलाई नियालिरहेका छन् । सातै सुत्ने कोठामा मेरो ससुराले ताला लगाएका छन् । मेरो पति नवाजुद्दीन सिद्दीकी पनि मलाई सहयोग गर्न उपलब्ध छैनन् ।

यदि मिडिया रिपोर्टहरू विश्वास गर्ने हो भने यो लडाई सम्पत्ति को लागी हो । यस बारे अभिनेता नवाजको अहिलेसम्म कुनै प्रतिक्रिया आएको छैन ।