मलमासका कारण आउँदो वर्षका सबै पर्व पछाडी धकलिए, कुन पर्व कहिले ?

काठमाडौँ । आउँदो वर्ष अर्थात विक्रम सम्वत २०८० सालका सबै पर्व पछाडी धकेलिएका छन् । मलमास अर्थात् अधिक वर्षका कारण प्रायः सबै चाडपर्व झण्डै तीन हप्ता पछाडिसम्म धकेलिएका हुन् । नेपाल पञ्चाङ्ग निर्णायक समितिका अनुसार २०८० सालमा तीजको व्रत असोज १ गते परेको छ । २०८० सालको घटस्थापना असोज २८ गते परेको छ ।

यस्तै कात्तिक ४ गते फूलपाती, ५ गते महाष्टमी, ६ गते महानवमी, कात्तिक ७ गते विजयादशी र ११ गते कोजाग्रत पूर्णिमा परेको नेपाल पञ्चाङ्ग निर्णायक समितिले जनाएको छ । समितिका अनुसार कात्तिक २७ गते लक्ष्मीपूजा र कात्तिक २९ गते भाइटीका परेको छ ।

छठ पर्व मंसिर ३ गते परेको छ । मलमासकै कारण २०८० सालको चैते दशैँ २०८१ मा पुगेको छ । २०८० को चैत मसान्तमै चतुर्थी तिथि सकिने भएकाले चैता अष्टमीमा मनाइने चैते दशैँ २०८१ को वैशाखमा परेको समितिले जनाएको छ ।