पूर्व स्वास्थ्यमन्त्री मथुरा श्रेष्ठको निधन

काठमाडौँ । पूर्वस्वास्थ्यमन्त्री प्रा डा। मथुराप्रसाद श्रेष्ठको निधन भएको छ। लामो समयदेखि दम र छाती रोगका सङ्क्रमणको उपचारमा रहेका मानवअधिकार क्षेत्रका अगुवा श्रेष्ठको सोमबार बिहान माइतीघरस्थित अन्नपूर्ण न्यूरो अस्पतालमा निधन भएको हो ।

उनको ८८ वर्षको उमेरमा निधन भएको हो । वामपन्थी बुद्धिजीवी श्रेष्ठ चिकित्सकले समुदायमै गएर उपचार गर्नुपर्छ भन्ने मान्यतालाई अघि बढाएका थिए ।

विसं २०४६ मा प्रजातन्त्रको पुनर्बाहाली भएपछि बनेको सरकारमा उनी नागरिक समाजका तर्फबाट स्वास्थ्यमन्त्री थिए। उनको मंगलबार पशुपति आर्यघाटमा दाह संस्कार गरिने परिवारले जनाएको छ ।