श्रीमानलाई छाडेर ६ वर्षदेखि लिभ इनमा बसेकी महिलालाई आफ्नै साथीले जिउँदै जलाए

एजेन्सी । लिभ इनमा बस्ने दम्पतीबीच झगडा र त्यसपछि साथीको निर्ममतापूर्वक हत्याका घटनाहरु लगातार सार्वजनिक भइरहेका छन् । भारतको राजधानी दिल्लीबाट श्रद्धा वाकर र निक्की यादव हत्या प्रकरणपछि अब यस्तै अर्को घटना बाहिर आएको छ । नयाँ घटना दिल्लीको रोहिणी क्षेत्रबाट बाहिर आएको हो । जहाँ श्रीमानलाई छाडेर लिभ इनमा बस्दै आएकी एक महिलालाई आफ्नै साथीले जिउँदै जलाएका छन् ।

लिभ इन पार्टनरबाट जलाएकी २८ वर्षीया महिलाको अस्पतालमा उपचारको क्रममा मृत्यु भएको हो । एक अधिकारीले मंगलबार सो जानकारी दिएका हुन् । प्रहरीले लिभ इन पार्टनर मोहितलाई हिरासतमा लिएको जनाएको छ । पीडित मोनिका ९नाम परिर्वतन० छ वर्षदेखि मोहितसँग बस्दै आएकी थिइन् ।

फेब्रुअरी १ मा महिलालाई जलाइयो
प्रहरीका अनुसार १ फेब्रुअरीमा अमन विहार थानाको एसजीएम अस्पतालबाट एक महिला जलेको खबर आएको थियो, उनलाई भर्ना गरिएको थियो । घटनाको जानकारी पाएपछि प्रहरी टोली अस्पताल पुग्यो, जहाँ बलबीर विहारकी पीडित मोनिका ९नाम परिवर्तन० बयान दिन सक्ने अवस्थामा थिइनन् । पछि महिलाले आफ्नो बयान दिइन् ।

श्रीमानलाई छाडेर लिभ इनमा बस्दै आएकी थिइन् महिला
लिभ इन पार्टनरको क्रूरताको सिकार भएकी मोनिका जुत्ता कारखानामा काम गर्थिन् । उनलाई उनका साथीले आगो लगाए । महिलाको सफदरजंग अस्पताल र त्यसपछि एम्स ट्रमा सेन्टरमा उपचार गरिएको थियो । एक वरिष्ठ प्रहरी अधिकारीले भने, प्रारम्भिक सोधपुछका क्रममा प्रहरी टोलीले पीडितले आफ्नो पहिलो श्रीमानलाई छोडेर विगत ६ वर्षदेखि मोहितसँग लिभ इन रिलेशनशिपमा बस्दै आएको थाहा पाएको बताए ।

महिलाको पहिलो विवाहबाट दुई सन्तान, ८ वर्षको छोरा
मृतकका दुई सन्तान रहेका छन् । अघिल्लो विवाहबाट ८ वर्षीय छोरा र हालको सम्बन्धबाट ४ वर्षीया छोरी छन् । उनको सोमबार एम्स ट्रमा सेन्टरमा उपचारको क्रममा मृत्यु भएको अधिकारीले बताए । मृतकको पोस्टमार्टम गरिएको छ र उनको परिवारका सदस्यहरूले दिएको बयानको आधारमा भारतीय दण्ड संहिता धारा ३०२ ९हत्या० अन्तर्गत मुद्दा दर्ता गरिएको छ, अधिकारीले भने ।

फेब्रुअरी १० का दिन राति झगडा
उजुरीमा भनिएको छ, फेब्रुअरी १० को राति मोहितलाई साथीको घरमा मादक पदार्थ सेवन गरेको देखेपछि मृतकको मोहितसँग झगडा भएको थियो । अभियुक्त मोहितले उनीमाथि टर्पेन्टाइनको तेल खन्याए र आगो लगाए जसका कारण उनी जलेर घाइते भइन् र उपचारको क्रममा उनको मृत्यु भयो, अधिकारीले भने । मोहित पक्राउ परेका छन् । प्रहरीले यस विषयमा अनुसन्धान गरिरहेको छ । भारतिय संचारमाध्यममा खबर छ ।