काठमाडौंमा दिउँसो १/ २ बजेपछि पानी पर्ने

काठमाडौं । आज दिउँसो देशका विभिन्न स्थानमा पानी पर्ने पूर्वानुमान छ । मौसम पूर्वानुमान महाशाखाले काठमाडौंसहित देशका विभिन्न भागमा वर्षा हुन सक्ने जनाएको छ । काठमाडौंमा दिउँसो १र२ बजेपछि पानी पर्ने सम्भावना रहेको छ । दिनभर पानी निरन्तर पर्दैन । केही समय परेर रोकिने हुन्छ ।

अहिले प्रिमनसुनको समय भएको र यो अवधिमा अपराह्नतिर पानी पर्ने सम्भावना रहेको छ । आज कीर्तिपुरस्थित त्रिवि क्रिकेट मैदानमा नेपालले यूएईसित प्रतिस्पर्धा गर्नेछ । जसमा नेपाललाई जितको विकल्प छैन । तर, काठमाडौंमा अपराह्नमा क्षणिक वर्षा हुने देखिन्छ ।

काठमाडौंमा आज ठूलो हावाहुरी चल्ने सम्भावना भने रहेको छैन । हाल देशमा स्थानीय वायु तथा पश्चिमी वायुको सामान्य प्रभाव रहेको महाशाखाले जनाएको छ ।

महाशाखाका अनुसार आज दिउँसो देशभर आंशिकदेखि सामान्य बदली रहनेछ । पहाडी भू–भागका थोरै स्थानहरू तथा तराई भू–भागका एक दुई स्थानमा अपराह्नतिर मेघगर्जन, चट्याङसहित क्षणिकरहल्कादेखि मध्यम वर्षाको सम्भावना छ ।

राति पहाडी भू–भागमा आंशिकदेखि सामान्य बदली तथा बाँकी भू–भागमा आंशिक बदलीदेखि मौसम सामान्यतया सफा रहनेछ । देशका पहाडी भू–भागका थोरै स्थानहरूमा मेघगर्जनरचट्याङसहित क्षणिक र हल्का वर्षाको सम्भावना रहेको महाशाखाले जनाएको छ ।