किशोरीको चित्कार- ‘भाइबाटै दुर्व्यवहारमा परेँ, मामाले मार्ने चेतावनी दिए’

काठमाडौं । सामाजिक सञ्जाल टिकटक मार्फत आफू हिंसामा परेको भन्दै एक किशोरीले भिडिओ सार्वजनिक गरेकी छन् । पोखराकी एक किशोरीले टिकटकमा भिडिओ पोस्ट गर्दै घटना सार्वजनिक गर्दै सहयोगको याचना गरेकी हुन् ।

ती किशोरीले आफूलाई मामाघरको भाइले संवेदनशील अङ्गमा समाउने र जिस्काउने गर्दै आएको बताएकी छन् । सोही कारण आफू मानसिक तनावमा परेको र परिवारको साथ पनि नपाएको उनले बताएकी छन् ।

आफ्नो कुरा घरमा कसैले नसुन्ने र मामाले पनि ज्यान मार्ने धम्की दिएको पीडितको आरोप छ । किशोरीको भिडिओ सेयर गर्दै सामाजिक सञ्जाल प्रयोगकर्ताहरूले प्रहरीलाई अनुसन्धान गरेर दोषीलाई कारबाही गर्नुपर्ने बताएका छन् ।