‘इन्डियन आइडल १३’का विजेता अयोध्याका ऋषि सिंह को हुन् ?

एजेन्सी । चर्चित गायन रियालिटी शो ‘इन्डियन आइडल सिजन १३’ को विजेता अयोध्याका ऋषि सिंह बनेका छन् । अयोध्याका ऋषि सिंह सिजन १३ को विजेता चुनिएका हुन् । ऋषिलाई २५ लाखको चेक र ट्रफीसँगै मारुती कार पनि दिइएको छ ।

सोनी च्यानलबाट प्रसारण हुने शो ‘इन्डियन आइडल १३’ को सोमबार, अप्रिल २, २०२३ मा ग्रान्ड फिनाले भएको थियो । फाइनल दौडमा अयोध्याका ऋषि सिंह, शिवम सिंह, बिदिप्ता चक्रवर्ती, चिराग कोतवाल, देबोस्मिता रोय र सोनाक्षीकर सहित ६ जना थिए ।

कार्यक्रमले धेरै रोमाञ्चक प्रदर्शनहरू देखिएको थियो र धेरै सेलिब्रेटीहरू उपस्थित भएका थिए । ‘बेस्ट डान्सर ३’का जज सोनाली बेन्द्रे, गीता कपूर र टेरेन्स लुइस पनि कार्यक्रममा आएका थिए । फाइनलमा भारती सिंहले आफ्नो फनी स्टाइलले सम्पूर्ण जमघटलाई मोहित तुल्याइन् । अन्ततः विजेता घोषित अयोध्याका ऋषि सिंह को हुन् रु

ऋषि सिंह मन्दिरमा गाउने गर्थे
इन्डियन आइडल १३ का विजेता बनेका ऋषि सिंह अयोध्याका बासिन्दा हुन् । गायन कार्यक्रममा आउनुअघि उनी मन्दिर र गुरुद्वारामा गाउने गर्थे । विजेता बनेपछि ऋषिले एक विज्ञप्ति जारी गर्दै भनेका छन्, ‘मैले ट्रफी जितेको छु भन्ने कुरामा अझै विश्वास गर्न सकिरहेको छैन । यो सपना साकार भएको छ ।’

लाइभ भोटिंग मार्फत विजेता चयन
इन्डियन आइडल सिजन १३ ले करिब ७ महिनाको लामो प्रतिक्षापछि बिजेता पाएको छ । यसअघि शोको ग्राण्ड फिनालेको अन्तिम चरणमा सर्वसाधारणले लाइभ भोटिङमार्फत विजेता छनोट गरेको थियो । यूपीका ऋषिले सबैभन्दा बढी भोट पाए । इन्डियन आइडल १३ मा पुगेका उत्कृष्ट ६ प्रतियोगीमध्ये देबोस्मिता रोय फस्ट रनरअप भइन् भने चिराग कोतवाल सेकेन्ड रनरअप भए । उनीहरुले ५ लाख रुपैयाँको चेक पाए ।