ढाकाले पैसा मागेको पुष्टि भयो, अब अख्तियारको जिम्मा लगाउँछौं : रवि लामिछाने

काठमाडौं । रास्वपाले आफ्ना सांसद ढाकाकुमार श्रेष्ठले मेडिकल व्यवसायी दुर्गा प्रसाईंसँग पैसा मागेको पुष्टि भएको निस्कर्ष निकालेको छ । यही निस्कर्षसहित श्रेष्ठको साधारण सदस्यता खारेज गरेको छ ।

श्रेष्ठले अब सांसद पद पनि गुमाएका छन् । बैठकपछि रास्वपाका सभापति रवि लामिछानेले पत्रकारहरुसँग बोल्दै ढाकाले रकम वार्गेनिङ गरेको पुष्टि भएको बताए ।

अब यो घटना अनुसन्धान अख्तियार दुरुपयोग अनुसन्धान आयोगले गर्ने पनि उनले बताए । अब यो प्रकरणको अनुसन्धानका लागि अख्तियारलाई जिम्मा लगाउँने लामिछानेले बताए ।