उद्योग वाणिज्य महासंघको एशोसिएटको उपाध्यक्षमा ज्योत्स्ना श्रेष्ठ विजयी

काठमाडौँ । नेपाल उद्योग वाणिज्य महासंघको बुधबार सम्पन्न भएको निर्वाचनमा एशोसिएट उपाध्यक्षमा ज्योत्स्ना श्रेष्ठ विजयी भएकी छिन् ।  वरिष्ठ उपाध्यक्ष पदका उम्मेदवार रामचन्द्र संघाई प्यानलकी श्रेष्ठ एशोसिएट तर्फको उपाध्यक्षमा निर्वाचित भएकी हुन् । उनले वरिष्ठ उपाध्यक्षका उम्मेदवार अञ्जन श्रेष्ठ र उमेशलाल श्रेष्ठ प्यानलका साझा उम्मेदवार भरतराज आचार्यलाई पराजित गरेकी हुन् । विजयी भएपछि सञ्चारकर्मीहरुसँग कुरा गर्दै उनले महिला नेपाल उद्योग वाणिज्य महासंघको नेतृत्वमा आइपुग्नु आफैंमा खुशीको कुरा भएको बताइन् ।

उनले जित्न कठिन भएपनि जित्छु भन्ने आत्मविश्वास आफूमा रहेको र सधैँ सत्यको जित हुने दावी गरिन् । उनले आफूलाई आगामी दिनमा काम गर्न कुनै कठिनाइ नरहेको र टिमलाई समेटेर व्यवसायीहरुको समस्याको समाधान गर्ने प्रतिवद्धता समेत जनाइन् ।

एशोसिएट उपाध्यक्ष श्रेष्ठले निर्वाचनको बेलामा मात्रै प्यानल भएको तर निर्वाचन सकिएपछि सबै एक भएर काम गर्ने बताइन् । उनले आफूलाई विश्वास गरेर जिताएकोमा धन्यवाद दिँदै विश्वास टुट्न नदिने प्रतिवद्धता जनाइन् । यसैगरी नेपाल उद्योग वाणिज्य महासंघको वस्तुगतको उपाध्यक्षमा हेमराज ढकाल विजयी भएकी छिन् । साथै जिल्ला नगरको उपाध्यक्षमा सुरकृष्ण वैद्य विजयी भएकी छिन् ।