काठमाडौँ । प्रमुख प्रतिपक्षी दलका नेता केपी शर्मा ओलीले सरकारले मुलुक गम्भीर संकटमा पर्दासमेत सरकाले वास्तविकता लुकाउन खोजेको आरोप लगाएका छन् । सरकारले शुक्रबार संसदमा प्रस्तुत गरेको नीति तथा कार्यक्रममाथि छलफल गर्दै उनले उदेश्यहीन कार्यक्रमले गन्तव्यमा पुग्न नसक्ने टिप्पणी गरे ।
पछिल्लो आर्थिक सूचाङकले मुलुक गम्भीर आर्थिक संकटमा परेको देखाउँदासमेत सरकार संवेदनशील हुन नसकेको ओलीको टिप्पणी छ । प्रधानमन्त्रीले राजश्व संकलन गर्नसमेत दातृ निकायसँग सहयोग मागेर प्रारम्भिक चरणमै सरकार असफल भएको बताए ।
‘प्रधानमन्त्रीले कुटनीतिक नियोग र संसदलाई फरक–फरक तथ्याङक देखाएर ढाँटेको छ । एमाले सरकारलाई विस्तापित गरी कांग्रेस–माओवादी सरकार बनेपछि अर्थतन्त्र ध्वस्त भएको छ । के यही दिन देख्नका लागि वर्तमान सरकार बनेको हो ?’ उनले मुलुकको सर्वाङ्गिक विकासका लागि बृहत योजना ल्याउन नसकेको आरोप लगाए ।
