आज सिंगापुर जाँदै देउवा दम्पती

काठमाडौँ । नेपाली कांग्रेसका सभापति शेरबहादुर देउवा आज सिंगापुर प्रस्थान गर्दैछन् । उनी सभापति देउवा स्वास्थ्यको नियमित फलोअपका लागि आज राति ११ बजे सिंगापुर एयरलाइन्समार्फत त्यसतर्फ प्रस्थान गर्न लागेका हुन् ।

पेटसम्बन्धी समस्या देखिएपछि उनी केही वर्षअघिदेखि सिंगापुरको अस्पतालमा नियमित उपचार गराउँदै आएका छन् । उनको सचिवालयका अनुसार देउवा पत्नीआरजु राणासहित सिंगापुर जान लागेका हुन् । देउवा दम्पत्ती करिब एकसाता पछि स्वदेश फर्कने छन् ।